Indian 3 : శంకర్ ఇండియన్-3 వస్తుందా?

విలక్షణ నటుడు కమల్ హాసన్, డైరెక్టర్ శంకర్ కాంబోలో వచ్చిన సినిమా భారతీయుడు.1996 విడుదలైన ఈ సినిమాకు సీక్వెల్ గా ఇటీవలే ఇండియాన్-2 విడుదల చేశారు. భారీ అంచనాల నడుమ విడుదలైన ఈ సినిమా ఆశించిన స్థాయిలో కలెక్షన్లు రాబట్ట లేకపోయింది. ఇప్పుడు ఇండియన్ - 3 వస్తుందనే టాక్ మొదలైంది. అయితే ఇండియాన్ -3 మూవీని డైరెక్టుగా ఓటీటీలోనే విడుదల చేయనున్నారనే ప్రచారం జరుగుతోంది. ఇందు కోసం నిర్మాణ సంస్థ నెటిక్ చర్చలు జరుపుతోందని త్వరలోనే దీనికి సంబంధించిన అధికారిక ప్రకటన రానుందని సోషల్ మీడియాలో కొన్ని పోస్ట్లు షేర్ అవుతున్నాయి. అయితే ఈ విషయంపై అటు నిర్మాణసంస్థ, నెటిక్స్ ఇప్పటివరకు స్పందించలేదు. భారతీయుడు-2 లో సిద్ధార్థ్, రకుల్ ప్రీత్ సింగ్, ఎస్ జే సూర్య, బాబీ సింహా, వివేక్, ప్రియా భవానీశంకర్, బ్రహ్మానందం, సముద్రఖని కీలక పాత్రలు పోషించారు. సమాజంలోని అవినీతి, అన్యాయాల్ని రూపుమాపడానికి సేనాపతి ఏం చేశాడు? ఈ క్రమంలో ఆయనకు ఎదురైన సంఘటనలు ఏమిటి? అనే ఆసక్తికర అంశాలతో ఈ సినిమా రూపుదిద్దుకుంది. మేకింగ్పరంగా సినిమా ఉన్నతంగా ఉన్నప్పటికీ నిడివి ఎక్కువగా ఉన్నందున అది ఆశించిన ఫలితాన్ని అందుకోలేకపోయిదనే అభిప్రాయం వ్యక్తమవుతోంది.