Vidudala 2 : విడుదల 2 రన్ టైమ్ ఇక్కడ వర్కవుట్ అవుతుందా..?

ఒకప్పుడు రన్ టైమ్ సినిమాల రిజల్ట్స్ పై ప్రభావం చూపించేది. అంటే రెండు మూడు దశాబ్దాల క్రితం వరకు. బట్ రీసెంట్ టైమ్స్ లో కంటెంట్ లో దమ్ముంటే అదేం ప్రాబ్లమ్ కాదని ప్రూవ్ అవుతోంది. అదే టైమ్ లో కంటెంట్ ఏ మాత్రం వీక్ అయినా రన్ టైమే పెద్ద మైనస్ అవుతుంది. అందుకే రన్ టైమ్ అనేది కథనంలో ఎంత దమ్ముంది అనేదాని బట్టి ప్రభావం చూపిస్తుంది. ప్రస్తుతం బాక్సాఫీస్ ను షేక్ చేస్తోన్న పుష్ప 2 ఏకంగా 3.20 గంటలు ఉంది. బలమైన కంటెంట్ కాకపోయినా ఆ మాస్ సీక్వెన్స్ ల వల్ల ఆడియన్స్ భరించారు అనే చెప్పాలి. కాకపోతే ఇది ఇతర భాషా చిత్రాలకు ఇంత ఎక్స్ క్యూజ్ ఉండదు. అందుకే విడుదల 2 రన్ టైమ్ పై అనేక సందేహాలు వ్యక్తం అవుతున్నాయి.

విజయ్ సేతుపతి, మంజువారియర్, సూరి, గౌతమ్ మీనన్ ప్రధాన పాత్రల్లో నటించిన విడుదల 2 ఈ నెల 20న విడుదల కాబోతోంది. వెట్రిమారన్ డైరెక్ట్ చేసిన ఈ మూవీ ఫస్ట్ పార్ట్ కు అద్బుతమైన అప్లాజ్ వచ్చింది. అందుకే సెకండ్ పార్ట్ పై కొంత ఆసక్తిగా ఉన్నారు ఆడియన్స్. కాకపోతే ఒక వర్గం ప్రేక్షకులకు ఇది పెద్దగా కనెక్ట్ కాకపోవచ్చు. ఆ కారణంగా రన్ టైమ్ నెగిటివ్ అయ్యే ప్రమాదమూ లేకపోలేదు. ఇంతకీ ఈ సినిమా నిడివి ఎంతంటే.. 2 గంటల 52 నిమిషాలు. అంటే ఆల్మోస్ట్ మూడు గంటలు. మూడు గంటల పాటు ప్రేక్షకులను కూర్చోబెట్టాలంటే అవుట్ స్టాండింగ్ అనిపించే కంటెంట్ ఉండాలి. ట్రైలర్ చూస్తే మోస్ట్ ప్రామిసింగ్ అనిపించుకుంది. ఆర్టిస్టులు మెయిన్ ఎసెట్ అవుతున్నారు. మరి ఈ రన్ టైమ్ తెలుగులో వర్కవుట్ అవుతుందో లేదో చూడాలి.