Kalyan Ram : కళ్యాణ్ రామ్.. అర్జున్ సన్నాఫ్ వైజయంతి
నందమూరి కళ్యాణ్ రామ్ హీరోగా నటిస్తోన్న సినిమా టైటిల్ గా గతంలో రుద్ర అని వినిపించింది. బట్ రుద్ర కాదు.. 'అర్జున్ సన్నాఫ్ వైజయంతి' అనే టాక్ బలంగా వినిపిస్తోంది. ఇందుకు ప్రధాన కారణం వైజయంతిగా విజయశాంతి నటిస్తుండటమే. యస్.. ఈ చిత్రంలో విజయశాంతి ఓ కీలకమైన పాత్రలో కనిపించబోతోంది. తను రీ ఎంట్రీ ఇచ్చిన సరిలేరు నీకెవ్వరులో ఆమె ఇమేజ్ ను కరెక్ట్ గా వాడలేద దర్శకుడు. కానీ ఈ సారి తన పాత్ర చాలా పవర్ ఫుల్ గా ఉండబోతోందని ఆ మధ్య వచ్చిన ఆమె బర్త్ డే గ్లింప్స్ చూస్తేనే అర్థమైంది.టైటిల్ ను బట్టి కళ్యాణ్ రామ్ .. విజయశాంతి కొడుకుగా నటిస్తున్నాడు అని తేలిపోయింది. సో.. తల్లి కొడుకుల మధ్య రిలేషన్ ను కూడా కొత్త కోణంలో చూపించబోతున్నారని టాక్. ఇక ఈ చిత్రంలో కళ్యాణ్ రామ్ సరసన సాయీ మంజ్రేకర్ హీరోయిన్ గా నటిస్తోంది. ప్రదీప్ చిలుకూరి డైరెక్ట్ చేస్తోన్న ఈ చిత్రాన్ని అశోక్ వర్ధన్ ముప్పా, సునిల్ బలుసు నిర్మిస్తున్నారు. అజనీష్ లోకనాథ్ సంగీతం అందిస్తున్నాడు.
ఈ టైటిల్ తో పాటు టీజర్ ను కూడా త్వరలోనే విడుదల చేస్తారని చెబుతున్నారు. సినిమాను వేసవి బరిలో మే 26న విడుదల చేసే అవకాశాలున్నాయి. కళ్యాణ్ రామ్ ఒక హిట్టు కొడితే రెండు మూడు ఫ్లాపులు చూస్తున్నాడు. అయితే ఈ మూవీ అతని కెరీర్ లో ఓ కొత్త మైల్ స్టోన్ గా నిలుస్తుందంటున్నారు. ఆ స్థాయిలో వస్తోంది మూవీ అని ఇండస్ట్రీలో టాక్. ఆ టాక్స్ అన్నీ ఎలా ఉన్నా.. ఈ టైటిల్ మాత్రం బావుందని చెప్పొచ్చు. మరి సన్నాఫ్ సత్యమూర్తిలాగా అర్జున్ సన్నాఫ్ వైజయంతి కూడా బ్లాక్ బస్టర్ అవుతుందేమో చూడాలి.