Kushi Box Office Collection Day 1: విడుదలైన మొదటి రోజే రూ.30కోట్లు వసూలు

'మహానటి' విజయం తర్వాత, సమంతా రూత్ ప్రభు, విజయ్ దేవరకొండ కలిసి నటించిన 'ఖుషి' సెప్టెంబర్ 1న థియేటర్లలో విడుదలై అద్భుతమైన ఓపెనింగ్‌ను నమోదు చేసింది. ఈ రొమాంటిక్ చిత్రం ముందస్తు అంచనాల ప్రకారం ఈ తమిళ చిత్రం అన్ని భాషలల్లో కలిపి రూ. 16 కోట్లతో ప్రారంభించబడింది. కాగా విడుదలైన మొదటిరోజున ఈ మూవీ ప్రపంచవ్యాప్తంగా రూ.30కోట్లకు పైగానే వసూలు చేసింది. ఈ సందర్భంగా మూవీ నిర్మాణ సంస్థ మైత్రీ మూవీ మేకర్స్.. ట్వీట్ చేసింది. ఫ్యామిలీస్ 'ఖుషి' బాక్సాఫీస్ ఖుషి, బ్లాక్ బస్టర్ ఫ్యామీలీ ఎంటర్టైనర్ ఖుషి.. ఫస్ట్ డే సెన్సేషన్.. ప్రపంచవ్యాప్తంగా రూ.30.1కోట్లు వసూలు చేసింది అంటూ ఎక్స్ లో రాసుకువచ్చింది. దాంతో పాటు ఓ క్రేజీ పోస్టర్ ను కూడా షేర్ చేసింది.

ఈ చిత్రం తెలుగు వెర్షన్ దాదాపు 59.13 శాతం ఆక్యుపెన్సీని నమోదు చేసింది. అయితే తమిళ వెర్షన్ మొత్తం 40.12 శాతం ఆక్యుపెన్సీని కలిగి ఉంది. రూ. 16 కోట్ల ఓపెనింగ్స్‌తో ఈ సినిమా ఈ వారాంతంలో మంచి వసూళ్లను రాబడుతుందని మేకర్స్ ఆశిస్తున్నారు. ఇక పోతే శివ నిర్వాణ రచన, దర్శకత్వం వహించి మైత్రీ మూవీ మేకర్స్ నిర్మించిన ఖుషి హిందీ, కన్నడ, మలయాళంలో కూడా డబ్ చేయబడింది. ఇందులో జయరామ్, సచిన్ ఖేడకర్, మురళీ శర్మ, లక్ష్మి, అలీ, రోహిణి, వెన్నెల కిషోర్, రాహుల్ రామకృష్ణ, శ్రీకాంత్ అయ్యంగార్, శరణ్య కూడా నటించారు. కాశ్మీర్‌లో తమ వ్యక్తిగత విహారయాత్రలో విజయ్ విప్లవ్, సమంతల ఆరాధ్య ఎలా ప్రేమలో పడ్డారు అనేదే సినిమా. కానీ వారిని వేరు చేయడానికి వారి కుటుంబాలు.. దాన్ని తప్పు అని నిరూపించడానికి చేసిన ప్రయత్నాలు, వారిద్దరి మధ్య విభేదాలు వచ్చినప్పుడు ఏం చేశారనేది ఈ మూవీలో అద్భుతంగా చూపించారు.

ప్రస్తుతం సమంతా పని నుండి విరామం తీసుకుంది. ఖుషీ ప్రమోషన్ కోసం భారతదేశానికి తిరిగి రావడానికి ముందు బాలిలో విహారయాత్రలో ఉంది. ఆమె గత నెలలో హైదరాబాద్‌లో జరిగిన ఖుషి సంగీత కచేరీలో విజయ్‌తో కలిసి కనిపించింది. వీరిద్దరూ ఈ చిత్రంలోని రొమాంటిక్ సాంగ్స్ కు నృత్యం చేయడంతో వేదికపై ఆసక్తికరమైన సన్నివేశం చోటుచేసుకుంది. ఈ చిత్రంలో నా రోజా నువ్వే, ఆరాధ్య, ఏదో ఒక గాయం, ఓసి పెళ్లామా, ఖుషి టైటిల్ సాంగ్ వంటి లవ్లీ సాంగ్స్ ఉన్నాయి.