వీక్షకుల మనసు దోచుకుంటున్న స్టార్లు.. బుల్లితెరను ఏలేస్తున్నారు..

వెండి తెరపై వెలిగిపోతున్నారు.. కోట్లమంది ప్రేక్షకులను టీవీలకు కట్టిపడేస్తున్నారు. స్టార్లకి ఉన్న క్రేజ్‌ని దృష్టిలో పెట్టుకుని చానల్ యాజమాన్యాలు వాళ్లతో షోలు చేయిస్తున్నాయి. కోట్లలో రెమ్యునరేషన్లు అందిస్తున్నాయి.

గత కొన్ని సంవత్సరాలుగా, టాక్ షోలు, రియాలిటీ ప్రోగ్రామ్‌లు రెండు తెలుగు రాష్ట్రాల్లోని వీక్షకులలో ప్రజాదరణ పొందాయి. నటుడు అక్కినేని నాగార్జున హోస్ట్ చేసిన బిగ్ బాస్ తెలుగు 4 యొక్క చివరి ఎపిసోడ్ కొత్త రికార్డును నెలకొల్పింది. ఇది భారతదేశంలోని అన్ని భాషలలో వచ్చిన రేటింగ్‌ కన్నా అత్యధిక వ్యూయర్‌షిప్‌ని రికార్డ్ చేసింది. జూనియర్ ఎన్టీఆర్ హోస్ట్‌గా వ్యవహరిస్తున్న ఎవరు మీలో కోటీశ్వరులు ఇప్పటికే మొదలై మంచి రేటింగ్స్‌తో దూసుకుపోతోంది. త్వరలో రాణా హోస్ట్ చేస్తున్ననంబర్ 1 యారీ కార్యక్రమం పున:ప్రారంభం కానుంది.

ప్రముఖ టాలీవుడ్ ప్రముఖులు హోస్ట్ చేస్తున్న తెలుగు వినోదాత్మక కార్యక్రమాల జాబితాను ఓ సారి చూద్దాం.

1. ఎవరు మీలో కోటీశ్వరులు

హూ వాంట్స్ టు బి ఎ మిలియనీర్ అనే హిట్ గేమ్ షో తెలుగు వెర్షన్.. ఎవరు మీలో కోటీశ్వరులు.. ఈ ప్రోగ్రామ్ మొదటి రెండు సీజన్లకు పాజిటివ్ రెస్పాన్స్ అందుకుంది. నటుడు అక్కినేని నాగార్జున మూడు సీజన్లకు హోస్ట్ చేయగా, చిరంజీవి నాలుగో సీజన్‌కు హోస్ట్ చేశారు. సీనియర్ నటుల నుండి బాధ్యతలు స్వీకరించిన జూనియర్ ఎన్టీఆర్ క్విజ్ షోను హోస్ట్ చేస్తున్నారు. జెమినీలో ప్రసారమవుతున్న ఈ షో టైమ్‌కి ఇంటిల్లపాదీ టీవీల ముందుకు చేరిపోతున్నారు. విజ్ఞానంతో పాటు వినోదం అందిస్తున్న జూనియర్‌ ఎన్టీఆర్‌ హోస్టింగ్‌కి పాజిటివ్ రెస్పాన్స్ వస్తోంది.

2 బిగ్ బాస్

బిగ్ బాస్ గురించి చర్చించకుండా తెలుగు కార్యక్రమాల గురించి ఎలా మాట్లాడగలం! ఒరిజినల్ డచ్ బిగ్ బ్రదర్ ఫార్మాట్ ఆధారంగా దేశంలోని ప్రముఖ భాషల్లో వస్తోంది. అన్ని చోట్ల హిట్ టాక్ తెచ్చుకుంది. ఒకే ఇంట్లో 100 రోజులు అందరికీ దూరంగా ఉండాలి. అదే గేమ. మొదటి సీజన్‌లో జూనియర్ ఎన్టీఆర్ హోస్ట్‌గా అలరించగా, తదుపరి సీజన్‌లో నాని, రెండు మూడు, నాలుగు సీజన్లలోనాగార్జున బిగ్‌బాస్ పగ్గాలు చేపట్టారు. ఇప్పుడు రాబోతున్న ఐదో సీజన్‌కి కూడా ఆయనే హోస్ట్ అని కన్ఫామ్ అయిపోయింది.

3.నంబర్ 1 యారీ

రానా దగ్గుబాటి తన ఆటను మరింతగా మెరుగుపరుచుకుంటున్నాడు. లీడర్‌ వెండితెరపై ఎంట్రీ ఇచ్చిన నటుడు తన కోసం ఒక మార్గాన్ని రూపొందించుకున్నాడు. బుల్లితెరపై సరికొత్త అవతారమెత్తి నంబర్ 1 యారీతో హోస్ట్‌గా మారాడు.

4 సామ్ జామ్

దీపావళి 2020 న ప్రారంభించబడింది. సామ్ జామ్ నటి సమంత అక్కినేని ఆహా వేదికగా హోస్ట్ పాత్రను ధరించింది. ఈ షోకి మరింత అందాన్ని తెచ్చింది తన గ్లామర్. ఈ యువ నటి మెగాస్టార్ చిరంజీవి, అల్లు అర్జున్, రానా దగ్గుబాటి వంటి ప్రముఖ తారలతో ముచ్చటించింది.