Megastar-Godfather: చిరు సినిమాలో రమ్య.. బ్యూటిఫుల్ జోడీ రిపీట్ కానుందా.. కానీ..
Megastar-Godfather:రీమేక్ సినిమాలతో సెకండ్ ఇన్నింగ్స్ స్టార్ట్ చేసిన చిరంజీవి తాజాగా మలయాళం మూవీ లూసిఫర్ సినిమా రీమేక్లో నటించనున్నాడు. ఈ సినిమాను తెలుగులో గాడ్ఫాదర్గా తెరెకెక్కిస్తున్నారు డైరెక్టర్ మోహన్ రాజ్. ఈ కథకు సంబంధించి తెలుగు ప్రేక్షకులకు అనుకూలంగా మరికొన్ని మార్పులు చేర్పులు చేస్తున్నారు మరో దర్శకుడు నూరీ జగన్నాథ్.
కొణిదెల ప్రొడక్షన్ నిర్మిస్తున్న ఈ చిత్రానికి థమన్ స్వరాలు సమకూరుస్తున్నారు.
అయితే ఈ సినిమాకు సంబంధించిన ఓ వార్త ఫిల్మ్నగర్లో చక్కర్లు కొడుతోంది. గాడ్ఫాదర్ చిత్రంలో చిరంజీవి చెల్లెలి పాత్రకు సీనియర్ నటి రమ్యకృష్ణను ఎంపిక చేసినట్లు సమాచారం. ఈ పాత్ర కోసం ముందుగా బాలీవుడ్ నటి విద్యాబాలన్ని అనుకున్నారట. కానీ కొన్ని కారణాల వల్ల రమ్యకృష్ణను ఎంపిక చేసినట్లు తెలుస్తోంది.
బాహుబలి సినిమాతో దేశవ్యాప్తంగా గుర్తింపు తెచ్చుకున్న రమ్య, తాజాగా సాయిధరమ్ తేజ్ నటించిన రిపబ్లిక్ మూవీలోనూ ఓ పవర్ ఫుల్ పాత్రలో నటించి ప్రేక్షకుల అభిమానాన్ని చూరగొంది. ఇది వరకు కొన్ని సినిమాల్లో హీరో హీరోయిన్లుగా జోడీ కట్టిన చిరంజీవి, రమ్యకృష్ణలను.. అన్నా చెల్లెళ్లుగా అంటే ప్రేక్షకులు ఎలా రిసీవ్ చేసుకుంటారో చూడాలి.
© Copyright 2024 : tv5news.in. All Rights Reserved. Powered by hocalwire.com