మోహన్ బాబు, రాజశేఖర్ వదులుకున్న బ్లాక్‌‌బస్టర్ మల్టీస్టారర్..!
Hanuman Junction : మలయాళ మూవీ 'లూసిఫర్' ని తెలుగులో 'గాడ్‌‌ఫాదర్' పేరుతో మెగాస్టార్ చిరంజీవి రీమేక్ చేస్తున్న సంగతి తెలిసిందే.. ఈ సినిమాకి మోహన్ రాజా దర్శకత్వం వహిస్తున్నాడు. మోహన్ రాజా మొదటిసినిమా హనుమాన్ జంక్షన్... తాజాగా ఈ చిత్రం ఇరవై ఏళ్ళు పూర్తిచేసుకుంది. మోహన్ రాజా ఎవరో కాదు ఎడిటర్ మోహన్ పెద్దకొడుకు. మళయాళ సినిమా 'తెన్ కాశిపట్టణం' ఆధారంగా ఈ హనుమాన్ జంక్షన్ సినిమాని తెరకెక్కించారు.
ఈ సినిమాలో అర్జున్, జగపతిబాబు, వేణు, స్నేహ, లయ, విజయలక్ష్మి, జయప్రకాశ్ రెడ్డి, బ్రహ్మానందం, కోవై సరళ, ఆలీ, వెన్నిరాడై నిర్మల, ఎల్బీ శ్రీరామ్, పరుచూరి వెంకటేశ్వరరావు, ఎమ్మెస్ నారాయణ, వేణుమాధవ్, రాళ్ళపల్లి, రవి తదితరులు నటించారు. ముందుగా ఈ సినిమాని అప్పటి టాలీవుడ్ స్టార్ హీరోలైన మోహన్ బాబు, రాజశేఖర్ లతో చేయాలని అనుకున్నారు. వారు కూడా ఈ సినిమా చేసేందుకు ఒప్పుకొని అడ్వాన్స్ కూడా తీసుకొని షూటింగ్ లో పాల్గొన్నారు.
ఆ తర్వాత ఏమైందో కానీ వాళ్ళ ప్లేస్ లోకి అర్జున్, జగపతిబాబు వచ్చారు. ఈ విషయాన్ని దర్శకుడు రాజా ఇటీవల ఓ ఇంటర్వ్యూలో వెల్లడించారు. ముందుగా తన డెబ్యూ మూవీని సొంత కథతోనే చేయాలనీ అనుకున్నారట రాజా... ఆ క్రమంలో నీరమ్ మూవీ రీమేక్ (తెలుగులో నువ్వేకావాలి) సినిమా ఆఫర్ ని కూడా వదులుకున్నారు. ఆ తర్వాత ఆ సినిమా ఎంతటి విజయాన్ని అందుకుందో అందరికీ తెలిసిందే.
దీనితో రాజా తండ్రి ఎడిటర్ మోహన్ మళయాళ సినిమా తెన్ కాశిపట్టణం ని రీమేక్ చేయమని సూచించారట. ఇదే డెబ్యూ సినిమాకి కరెక్ట్ గా సూట్ అవుతుందని చెప్పారట.. ఆ తర్వాత తెన్ కాశిపట్టణం లోని సోల్ ని తీసుకొని కొన్ని మార్పులు చేసి హనుమాన్ జంక్షన్ గా తెరకెక్కించి హిట్ కొట్టారు రాజా.. కామెడీ అండ్ సెంటిమెంట్ తో తెరకెక్కిన ఈ సినిమా ప్రేక్షకులను వీపరితంగా ఆకట్టుకుంది.
ఇప్పటికి ఈ సినిమాకి హార్డ్ కోర్ ఫ్యాన్స్ ఉన్నారు. రాజాకి ఇదే తెలుగులో మొదటి సినిమా, చివరి సినిమా.. మళ్ళీ 20 ఏళ్ల తర్వాత తెలుగులో సినిమాని చేస్తున్నారాయన. అయితే ఇది కూడా మలయాళ మూవీ రీమేక్ కావడం విశేషం.
