Nagarjuna : రేవంత్ రెడ్డిని కలిసిన నాగార్జున
అక్కినేని నాగార్జున తెలంగాణ ముఖ్యమంత్రి రేవంత్ రెడ్డిని కలిశాడు. ఆయనతో పాటు భార్య అమల కూడా ఉంది. కొన్నాళ్ల క్రితం నాగార్జునకు చెందిన ఎన్ కన్వెన్షన్ హాల్ ను తెలంగాణ ప్రభుత్వం కూల్చివేసింది. హైడ్రా పేరుతో సాగిన ఆ కూల్చివేతలపై రేవంత్ ఇచ్చిన ఆదేశాలే ప్రధానం. నాగార్జున లాంటి సెలబ్రిటీని కూడా వదలం అనే బలమైన సందేశం కూడా ఇందులో ఉంది. అప్పటి నుంచి నాగ్, ప్రభుత్వం మధ్య గ్యాప్ వస్తుంది అనుకున్నారు. బట్ నాగార్జున అదేం పట్టించుకోలేదు. ఆ మధ్య రాష్ట్ర విపత్తు నిధి కోసం తన వంతుగా భారీ విరాళం కూడా అందించాడు. రీసెంట్ గా వీరు ఓ ప్రైవేట్ ఫంక్షన్ లో కూడా కలుసుకున్నారు. ఇక ఇప్పుడు నాగ్.. సిఎమ్ ను కలవడానికి ఓ ప్రత్యేక కారణం ఉంది.
జూన్ 6న నాగార్జున చిన్న కొడుకు అఖిల్ అక్కినేని పెళ్లి ఉంది. ఆ పెళ్లికి ఆహ్వానించడానికే నాగ్ .. రేవంత్ రెడ్డిని కలిశాడు. అఖిల్ .. బిజినెస్ మేన్ కూతురైన జైనాబ్ ను ప్రేమించాడు. జైనాబ్ తండ్రికి నాగార్జునతో కూడా వ్యాపార సంబంధాలున్నాయి. అందుకే ఈ పెళ్లి ఈజీగా సెటిల్ అయిపోయింది. కొన్నాళ్ల క్రితమే ఎంగేజ్మెంట్ అయింది. జూన్ 6న ఈ జంట ఒక్కటి కాబోతోందన్నమాట. అదీ మేటర్.