National Film Awards: సూర్య, జ్యోతిక కలిసి నిర్మించిన 'సూరరై పొట్రు'కు 5 జాతీయ అవార్డులు.. ఆనందంలో దంపతులు
National Film Awards: శుక్రవారం సాయంత్రం జాతీయ చలనచిత్ర అవార్డులు అందుకున్న సూర్య మరియు భార్య జ్యోతిక ఇద్దరికీ ఇది మరిచిపోలేని రోజు. సూరరై పొట్రు చిత్రానికి గానూ సూర్యకు ఉత్తమ నటుడి అవార్డు లభించింది.
ఈ ప్రాజెక్ట్‌కి సహ నిర్మాతగా వ్యవహరించిన జ్యోతిక, ఉత్తమ చలనచిత్రం అవార్డును కూడా అందుకుంది. వేడుకలో, జ్యోతిక అవార్డును అందుకోవడంతో సూర్య ఫోటోను క్లిక్ చేసాడు. ఆమె భర్త ఉత్తమ నటుడి అవార్డును అందుకోవడానికి వేదికపై ఉన్నప్పుడు జ్యోతిక ఫోటోను క్లిక్ చేసింది.
సూర్యకు జోడీగా నటించిన అపర్ణా బాలమురళి ఉత్తమ నటిగా ఎంపికయ్యారు. సూరరై పొట్రు ఉత్తమ చలనచిత్రం, ఉత్తమ స్క్రీన్‌ప్లే మరియు ఉత్తమ నేపథ్య సంగీతాన్ని కూడా గెలుచుకుంది. ఈ చిత్రానికి సుధా కొంగర దర్శకత్వం వహించారు.
సూర్య మరియు జ్యోతిక, పూవెల్లం కెట్టుప్పర్, ఉయిరిలే కలంతతు, కాఖా కాఖా, పెరళగన్, మాయావి, జూన్ ఆర్ మరియు సిల్లును ఒరు కాదల్ వంటి చిత్రాలలో కలిసి పని చేశారు. 2006లో వివాహం చేసుకున్నారు. ఈ జంటకు కుమార్తె దియా, కుమారుడు దేవ్‌ ఉన్నారు.
నెర్రుక్కు నెర్ సినిమాతో సూర్య నటుడిగా అరంగేట్రం చేశాడు. అతను నందా, కాఖా కాఖా, గజిని, సింగం సినిమాలతో హిట్‌లు అందుకున్నారు. ఇటీవలి కాలంలో విడుదలైన చిత్రాలలో సూరరై పొట్రు, జై భీమ్ చిత్రాలు విమర్శకుల నుంచి ప్రశంశలు అందుకున్నాడు.
అతను కమల్ హాసన్ నటించిన విక్రమ్ చిత్రంలోనూ. మాధవన్ యొక్క రాకెట్రీ: ది నంబి ఎఫెక్ట్‌లో కూడా అతిధి పాత్రలో కనిపించాడు. అక్షయ్ కుమార్ ప్రధాన పాత్రలో నటించిన సూరరై పొట్రు హిందీ వెర్షన్‌లో కూడా సూర్య అతిధి పాత్రలో కనిపించనున్నాడు.
