Nikhil New Movie : దీపావళికి 'అప్పుడో.. ఇప్పుడో.. ఎప్పుడో'

తన ఫ్యాన్స్ కి ఊహించని ట్విస్ట్ ఇచ్చాడు హీరో నిఖిల్. ఎవరూ ఊహించని విదంగా కొత్త సినిమాను ప్రకటించాడు. అది కూడా దీపావళికి విడుదల అంటూ ప్రకటన చేశాడు. దాంతో ఆయన ఫ్యాన్స్ ఒక్కసారిగా అవాక్కాయ్యారు. అసలు ఈ సినిమా ఎప్పుడు మొదలుపెట్టవన్నా అంటూ కామెంట్స్ చస్తున్నారు. ఇంతకీ ఆ సినిమా ఏంటంటే "అప్పుడో.. ఇప్పుడో.. ఎప్పుడో". స్వామి రారా ఫేమ్ దర్శకుడు సుధీర్ వర్మ తెరకెక్కిస్తున్న ఈ సినిమాలో సప్తసాగరాలు దాటి ఫేమ్ రుక్మిణి వసంత్ హీరోయిన్ గా నటిస్తున్నారు. తాజాగా ఈ సినిమా థీమ్ పోస్టర్ విడుదల చేశారు మేకర్స్. ఫీల్ గుడ్ లవ్లీ లుక్స్ తో ఉన్న ఈ పోస్టర్ ఆడియన్స్ ను విపరీతంగా ఆకట్టుకుంటోంది. ఇప్పటికే నిఖిల్, సుధీర్ వర్మ కాంబోలో స్వామి రారా, కేశవ వంటి హిట్ సినిమాలు రాగా "అప్పుడో.. ఇప్పుడో.. ఎప్పుడో" ఎలాంటి విజయాన్ని సాధిస్తుందో చూడాలి.