OMG 2 రివ్యూ.. ఇకపై మీ పిల్లలతో ఆ విషయాన్ని..

OMG 2 రివ్యూ.. ఇకపై మీ పిల్లలతో ఆ విషయాన్ని..
అమిత్ రాయ్ దర్శకత్వంలో పంకజ్ త్రిపాఠి, అక్షయ్ కుమార్ నటించిన చిత్రం OMG 2 తల్లిదండ్రులకు, యువతకు ఒక సందేశాన్ని అందిస్తుంది.

అమిత్ రాయ్ పంకజ్ త్రిపాఠి దర్శకత్వంలో అక్షయ్ కుమార్ నటించిన చిత్రం OMG 2 తల్లిదండ్రులకు, యువతకు ఒక సందేశాన్ని అందిస్తుంది. అలా అని ఇది ఆ సబ్జెక్ట్ ని సీరియస్ గా కాకుండా హాస్యంతో మేళవించి చూపించారు.

పాఠశాలల్లో సెక్స్ ఎడ్యుకేషన్ ఇప్పటికీ ఎందుకు నిషిద్ధం? భారతదేశం కామసూత్ర భూమిగా భావించబడుతుంది, అయితే భారతీయ తల్లిదండ్రులు మరియు ఉపాధ్యాయులు పిల్లలతో సెక్స్ గురించి బహిరంగంగా మాట్లాడటానికి ఎందుకు సంశయిస్తారు. పాఠశాల పాఠ్యాంశాల్లో జీవశాస్త్రం ఒక సబ్జెక్ట్ అయితే, పునరుత్పత్తికి సంబంధించిన అధ్యాయం ఎందుకు సరిగా బోధించలేకపోతున్నారు. OMG 2 వీటన్నింటికి సమాధానం ఉదారమైన హాస్యంతో అందిస్తుంది.

దర్శకుడు-రచయిత అమిత్ రాయ్ సెక్స్ ఎడ్యుకేషన్ గురించి అసభ్యంగా అనిపించకుండా చాలా జాగ్రత్తగా స్పృశించారు. ఇక కథలోకి వస్తే.. కాంతి శరణ్ ముద్గల్ ( పంకజ్ త్రిపాఠి ) ఒక దేవాలయం దగ్గర పూజా దుకాణం నడుపుతుంటాడు. అతని కొడుకు వివేక్ (ఆరుష్ వర్మ) హస్తప్రయోగం అలవాటు వలన అలసట చెంది ఆసుపత్రిలో జాయినవుతాడు. అతడి యొక్క అసభ్య ప్రవర్తన కారణంగా పాఠశాల నుండి పంపివేయబడతాడు. స్కూల్ టాయిలెట్‌లో అతడు చేసిన పనికి సంబంధించిన వీడియో ఇంటర్నెట్‌లో హల్‌చల్ చేయడంతో అతడిని స్కూల్ నుండి డిస్మిస్ చేస్తారు.

అతనికి మార్గనిర్దేశం చేయడానికి, ధర్మబద్ధమైన మార్గంలో ఉంచడానికి దేవుని దూత ( అక్షయ్ కుమార్ ) ప్రవేశిస్తాడు. అమిత్ రాయ్ యొక్క సున్నితమైన రచన సామాజిక సంబంధిత కథను మరింత ప్రభావవంతంగా తీర్చిదిద్దింది. ఒక సన్నివేశంలో, త్రిపాఠి పాఠశాలలు లైంగిక విద్యను ఎలా అందించాలో చూపించడానికి ప్రయత్నిస్తున్నప్పుడు, అతను పురుషాంగాన్ని 'లింగ్' అని, యోనిని 'స్త్రీ కి యోని' అని సూచించాడు. అయినా వినడానికి అసౌకర్యంగా అనిపించదు.

OMG 2 అనేది శారీరక సాన్నిహిత్యం గురించి చర్చకు వచ్చినప్పుడు భారతీయ తల్లిదండ్రులు, పిల్లల మధ్య అంతరాన్ని తగ్గించడానికి చేసిన ఒక నిజాయితీ ప్రయత్నం అని చెప్పవచ్చు. దర్శకుడు సెక్స్ ఎడ్యుకేషన్ యొక్క ప్రాముఖ్యతను హైలైట్ చేయడంపై దృష్టి సారించాడు.

పంకజ్ త్రిపాఠి సినిమాను అప్రయత్నంగా తన భుజాలపై వేసుకున్నాడు. త్రిపాఠి తెరపై చూడటం చాలా ఆనందంగా ఉంది. అతను మాట్లాడే ప్రతి మాట నుండి అతను చేసే ప్రతి సంజ్ఞ వరకు, సూక్ష్మంగా మరియు చక్కగా ప్రదర్శించబడి, ప్రేక్షకులు చప్పట్లు కొట్టేలా చేస్తుంది. కొన్ని సమయాల్లో, స్వచ్ఛమైన హిందీ డైలాగ్‌లు హ్యాండిల్ చేయడానికి కొంచెం ఎక్కువగానే కష్టపడ్డాడు. కానీ, అతను వాటిని సరళమైన హిందీలోకి అనువదించడానికి ప్రయత్నించాడు.

ఇక న్యాయవాదిగా యామీ గౌతమ్ మంచి నటనను ప్రదర్శించింది. కోర్టు గది సన్నివేశాలలో తన స్థానాన్ని నిలబెట్టుకుంది. దేవుని దూతగా అక్షయ్ (అతను అంతకుముందు శివునిగా నటించాడు కానీ CBFC సవరణల తర్వాత, అతని పాత్ర సర్దుబాటు చేయబడింది) నటన అద్భుతంగా ఉంది. శివరాత్రి సన్నివేశాన్ని చూపించే ప్రీ-ఇంటర్వెల్ సీక్వెన్స్‌లో శివుని తాండవాన్ని మిస్ చేయకూడని కేవలం మాయాజాలంగా చూపించారు.

OMG 2 అనేది కుటుంబ సభ్యుల వీక్షణ కోసం ఉద్దేశించబడిన చిత్రం. ఎందుకంటే ఇది తల్లిదండ్రులు మరియు పిల్లల మధ్య చాలా కాలంగా కొన్ని అంశాల గురించి మాట్లాడటానికి ఇష్టపడని అంశం యొక్క అంతరాన్ని తగ్గిస్తుంది. లైంగిక విద్యను సాధారణీకరించాల్సిన అవసరం ఉంది అనే విషయాన్ని ఈ చిత్రం స్పష్టం చేస్తుంది. దీన్ని మీ పిల్లలతో కలిసి చూడండి. చిత్రం చూసిన తరువాత చిరునవ్వుతో ఇంటికి వెళ్తారు. అంతేకాకుండా ఈ అంశం పట్ల ఓపెన్ మైండ్‌తో కూడా ఉండవచ్చు.

Tags

Read MoreRead Less
Next Story