నవ్వడం మర్చిపోయారట.. నేర్చుకోవడానికి వెళ్తున్నారు
జపాన్‌లోని ప్రజలు నవ్వడం ఎలాగో నేర్చుకోవడానికి క్లాసులకు వెళుతున్నారు. కోవిడ్ మహమ్మారి మన జీవితాలను ఛిద్రం చేసింది. మూతికి మాస్కులు బిగించి, పక్కింటి వాళ్లతో కూడా మాట్లాడనివ్వకుండా చేసింది. ఎవరైనా వస్తే నవ్వుతూ పలకరించేవాళ్లం.. కానీ ఆ సమయంలో ఎందుకొచ్చారు అన్నట్లు వాళ్లకేసి కోపంగా చూడవలసి వచ్చేది.. అంతా కరోనా మహిమ.. మనిషి మొహంలో అప్పుడప్పుడైనా కనిపించే నవ్వుని అస్సలు నవ్వనివ్వకుండా చేసింది. ప్రపంచవ్యాప్తంగా కోవిడ్ వ్యాపించిన నేపథ్యంలో జపాన్‌లోని ప్రజలు శ్వాసకోశ అనారోగ్యం నుండి తమను తాము రక్షించుకోవడానికి మాస్కులు ధరించాలని రూల్స్ పాస్ చేసింది గవర్నమెంట్.
ఇప్పుడు మాస్కులు ధరించక్కరలేదు. కానీ మాస్క్ ధరించి నప్పుడు సీరియస్ గా ఉండడం అలవాటై ఇప్పుడు కూడా అలానే ఉంటున్నారట. నవ్వడం మర్చిపోయినట్లు భావిస్తున్నారు. అందుకే నవ్వేందుకు క్లాసులు జరుగుతుంటే అక్కడికి వెళ్తున్నారట జపనీయులు. ముఖ కవళికలను రిహార్సల్ చేయిస్తున్నారు. "ముఖ కండరాలను కదిలించడం, సడలించడం మంచి చిరునవ్వును కలిగి ఉండటానికి కీలకం" అని "స్మైల్ ఎడ్యుకేషన్" కోచ్ కైకో కవానో అన్నారు. ఈ సెషన్స్ లో పాల్గొనేవారి చేతికి అద్దం ఇవ్వబడుతుంది. వారి సహజమైన చిరునవ్వు వచ్చేవరకు వారి ముఖ కవళికలను సర్దుబాటు చేస్తారు.
ప్రజలు తమ శారీరక మరియు మానసిక శ్రేయస్సు కోసం ఎక్కువగా నవ్వుతూ గడపాలని తాను కోరుకుంటున్నట్లు Ms కవానో చెప్పారు. "నవ్వడం ఇతరులపై మంచి అభిప్రాయాన్ని కలిగించడమే కాకుండా కమ్యూనికేషన్‌ను సులభతరం చేస్తుంది. అది మిమ్మల్ని మీరు మరింత సానుకూలంగా భావించేలా చేస్తుంది.
నవ్వడం వల్ల కలిగే కొన్ని ప్రయోజనాలు ఏమిటి?
డెలావేర్ సైకలాజికల్ సర్వీసెస్ ప్రకారం, చిరునవ్వు ఎక్కువ కాలం జీవించేందుకు, రక్తపోటును తగ్గించేందుకు తోడ్పడుతుంది.
2010లో నిర్వహించిన ఒక అధ్యయనంలో చిరునవ్వు మన ఆయుర్ధాయాన్ని పెంచుతుంది అని కనుగొనబడింది.
"ఒత్తిడి హార్మోన్ల యొక్క ప్రతికూల ప్రభావాలను ఎదుర్కోవడానికి ఎండార్ఫిన్లు విడుదలైనప్పుడు, మీ శరీరం విశ్రాంతిని పొందుతుంది. ఈ 'ఫీల్ గుడ్' హార్మోన్ల కలయిక తగ్గిన రక్తపోటుతో మీ మానసిక స్థితిని మెరుగుపరుస్తుంది.
