Prathap Bandari : జూనియర్ ఆర్టిస్ట్ ఆత్మహత్య కేసులో 'పుష్ప' నటుడు అరెస్ట్

34 ఏళ్ల మహిళా జూనియర్ ఆర్టిస్ట్ ఆత్మహత్య కేసులో ఐకాన్ స్టార్ అల్లు అర్జున్ నటించిన 'పుష్ప'లో అతని పక్క నటించిన జగదీష్ ప్రతాప్ బండారిని హైదరాబాద్ పోలీసులు అరెస్టు చేశారు. ఆత్మహత్యకు ప్రేరేపించడంతోపాటు మహిళా జూనియర్ ఆర్టిస్టును బ్లాక్ మెయిల్ చేయడం వంటి అభియోగాలు అతనిపై ఉన్నాయి.

అల్లు అర్జున్ బ్లాక్ బస్టర్ చిత్రం పుష్పలో కేశవ పాత్రకు పేరుగాంచిన జగదీష్ ప్రతాప్ బండారి 34 ఏళ్ల మహిళా జూనియర్ ఆర్టిస్ట్ ఆత్మహత్యకు సంబంధించి హైదరాబాద్ పోలీసులు డిసెంబర్ 6న అరెస్టు చేశారు. ఆత్మహత్యకు ప్రేరేపించడంతోపాటు మహిళా జూనియర్ ఆర్టిస్టును బ్లాక్ మెయిల్ చేయడం వంటి అభియోగాలు అతనిపై ఉన్నాయి. ఒక నివేదిక ప్రకారం, జగదీష్ ఒక వ్యక్తితో జూనియర్ ఆర్టిస్ట్ చిత్రాలను తీసి సోషల్ మీడియాలో పోస్ట్ చేస్తానని బెదిరించాడు. ఈ క్రమంలో నవంబర్ 29న హైదరాబాద్‌లోని తన నివాసంలో జూనియర్ ఆర్టిస్ట్ ఉరివేసుకుని మృతి చెందింది.

మహిళా జూనియర్ ఆర్టిస్ట్ షార్ట్ ఫిల్మ్‌లలో నటిగా పనిచేసేదని ఓ నివేదిక పేర్కొంది. తొలుత ఆత్మహత్య ఆరోపణల కింద జగదీష్ పై కేసు నమోదు చేశారు. అనంతరం కేసు దర్యాప్తు చేసిన పోలీసులు ఆత్మహత్యకు ప్రేరేపించినట్లు, అందులో జగదీష్ ప్రమేయం ఉన్నట్లు రుజువైంది.

అలా మొదలైంది..

జగదీష్, మహిళా జూనియర్ ఆర్టిస్ట్ ఇద్దరూ సినిమాలో పనిచేయడం ప్రారంభించి లివ్-ఇన్ రిలేషన్ షిప్ ప్రారంభించక ముందు స్నేహితులుగా ఉన్నారు. కొంతకాలం తర్వాత ఇద్దరూ విడిపోయారు. ఆ మహిళ మరొక జూనియర్ ఆర్టిస్ట్‌తో డేటింగ్ ప్రారంభించింది. ఆ తర్వాత తన కొత్త భాగస్వామికి వారి సన్నిహిత క్షణాల చిత్రాలు, వీడియోలతో జగదీష్ ప్రతాప్ ఆమెను వేధిస్తున్నాడని, చాలా నెలలుగా ఆమెను బ్లాక్ మెయిల్ చేస్తున్నాడని తెలిసింది. తనను బ్లాక్ మెయిల్ చేస్తూ వేధిస్తున్నాడంటూ ఆ మహిళ తండ్రి పోలీసులను ఆశ్రయించినట్లు నివేదిక పేర్కొంది. తన కుమార్తె కేశవ నుండి ఎదురైన వేధింపుల కారణంగానే తన కూతురు ఈ విపరీతమైన చర్యకు పాల్పడిందని ఆమె తండ్రి పేర్కొన్నారు. ఇదిలా ఉండగా, డిసెంబర్ 6న జగదీష్‌ను అరెస్టు చేసి ఇండియన్ పీనల్ కోడ్ (ఐపీసీ) సెక్షన్ 306 కింద కేసు నమోదు చేశారు.