Pushpa Item Song : సమంత ఐటెం సాంగ్ పై పురుషుల సంఘం కేసు..!

అల్లు అర్జున్, సుకుమార్ కాంబోలో వస్తోన్న లేటెస్ట్ మూవీ పుష్ప.. మైత్రి మూవీ మేకర్స్ ఈ సినిమాని భారీ బడ్జెట్ తో నిర్మిస్తోంది. రష్మిక మందన్న హీరోయిన్ గా నటిస్తోంది. ఇప్పటికే రిలీజైన టీజర్, ట్రైలర్ ఈ సినిమా పైన అంచనాలను భారీ స్థాయిని పెంచగా సమంత ఐటెం సాంగ్ సినిమాకి ఎక్కడ లేని క్రేజ్ తీసుకొచ్చింది. 'ఊ అంటావా, ఊఊ అంటావా' అంటూ సాగే ఈ ఐటెం సాంగ్ ఇప్పుడు ట్రెండింగ్ లో ఉంది. చంద్రబోస్ ఈ పాటను రాయగా, ఇంద్రావతి చౌహాన్ ఆలపించారు.

అయితే ఈ పాట పైన ఆంధ్రప్రదేశ్ లోని పురుషుల సంఘం కేసు పెట్టింది. మగవాళ్ళు కేవలం కామంతోనే ఉంటారన్న మీనింగ్ వచ్చేలా ఆ పాట ఉందని, ఆ పదాలతో అలాంటి భావమే వస్తోందని ఆ సంఘం అభ్యంతరం వ్యక్తం చేసింది. ఈ పాటను నిషేధించాలని ఆంధ్రప్రదేశ్ కోర్టులో 'పురుషుల సంఘం' డిమాండ్ చేసింది. అయితే కోర్టులో ఇంకా కేసు పరిష్కారం కాలేదు. కాగా తెలుగు, తమిళం, మలయాళం, కన్నడ, హిందీ భాషలలో డిసెంబర్ 17న ఈ సినిమా విడుదల కానుంది. ఎర్రచందనం స్మగ్లింగ్ చుట్టూ తిరిగే యాక్షన్ డ్రామాగా ఈ సినిమా తెరకెక్కుతుండగా రెండు భాగాలుగా ఈ చిత్రం ప్రేక్షకుల ముందుకు వస్తోంది.