Rakul Preeth Singh: నా పెళ్లి గురించి నాకే తెలియదు..: రకుల్ ట్వీట్ వైరల్
Rakul Preeth Singh: నటి రకుల్ ప్రీత్ సింగ్ సినీ నిర్మాత బాయ్‌ఫ్రెండ్ జాకీ భగ్నానితో వివాహం జరగబోతోందనే పుకార్లను ఖండించింది. ఒక ట్వీట్‌లో, ఆమె తన పెళ్లి గురించి తనకు తెలియదని తెలిపింది.
వీళ్లిద్దరూ వివాహం చేసుకుంటారని తెలిపిన తన సోదరుడు అమన్‌ని ట్యాగ్ చేస్తూ.. ఒక ట్వీట్‌లో ఇలా రాసింది, "@AmanPreetOffl మీరు నా వివాహ తేదీని ధృవీకరించారా ? నా జీవితం గురించి నాకు సమాచారం లేకపోవడం ఎంత హాస్యాస్పదంగా ఉంది .."
రకుల్ సోదరుడు అమన్ ప్రీత్ సింగ్ మాట్లాడుతూ.. రకుల్, జాకీ ఇద్దరూ తమ సొంత లక్ష్యాలను కలిగి ఉన్న ప్రతిష్టాత్మక వ్యక్తులు. అతడితో జీవితాన్ని పంచుకున్నప్పుడు తన సోదరి తన వివాహ తేదీని కచ్చితంగా అందరికీ తెలియజేస్తుందని ప్రకటించాడు.
రకుల్, జాకీ గత సంవత్సరం ఇన్‌స్టాగ్రామ్ పోస్ట్ ద్వారా తమ సంబంధాన్ని బహిరంగంగా తెలియజేశారు. "నువ్వు లేని రోజులు రోజులుగా అనిపించవు. మీరు లేకుండా, అత్యంత రుచికరమైన ఆహారాన్ని కూడా ఆస్వాదించలేను. మీరే నాకు ప్రపంచం. మీకు పుట్టినరోజు శుభాకాంక్షలు. మీరు ఎప్పటికీ నవ్వుతూ ఆనందంగా ఉండాలని కోరుకుంటున్నాను అని బాయ్‌ఫ్రెండ్ జాకీకి పుట్టినరోజు శుభాకాంక్షలు చెబుతూ రకుల్ ట్వీట్ చేసింది. అది సోషల్ మీడియాలో వైరల్‌గా మారింది.
ఆ సమయంలో జాతీయ మీడియాకు ఇచ్చిన ఇంటర్వ్యూలో రకుల్ మాట్లాడుతూ.. మేమిద్దరం మంచి స్నేహితుంలం అని చెప్పి.. మీడియా కన్నుగప్పి తిరగడం వంటివి చేసి మా సంబంధం చర్చనీయాంశంగా మార్చుకోవడం ఇష్టం లేదని తెలిపింది.
కాగా రకుల్ ప్రస్తుతం చాలా బిజీగా ఉంది. ఆమె జాన్ అబ్రహం నటించిన ఎటాక్‌లో కనిపించింది ; అజయ్ దేవగన్ నటించిన రన్‌వే 34; అక్షయ్ కుమార్ నటించిన కట్పుట్ల్లి ; మరియు తదుపరి ఆయుష్మాన్ ఖురానా నటించిన డాక్టర్ జి లో కనిపిస్తుంది.