Newly Wedding Couple: పెళ్లయిన తర్వాత ఫస్ట్ టైం పబ్లిక్ లోకి
కొత్తగా పెళ్లయిన బాలీవుడ్ జంట రణదీప్ హుడా, లిన్ లైష్రామ్ నవంబర్ 30న ముంబై ఎయిర్‌పోర్ట్‌లో మొదటిసారిగా బహిరంగంగా కనిపించారు. కెమెరాలకు పోజులిస్తూ వారు సంతోషంగా, నవ్వుతూ కనిపించారు. రణ్‌దీప్, లిన్ నవంబర్ 29న మణిపూర్‌లోని ఇంఫాల్‌లో మైతీ సంప్రదాయాల ప్రకారం సన్నిహిత వేడుకలో వివాహం చేసుకున్నారు.
రణ్‌దీప్, లిన్ మొదటి సారి పబ్లిక్‌గా..
రణ్‌దీప్ హుడా, లిన్ లైష్రామ్ నవంబర్ 29న తమ వివాహానికి సంబంధించిన అధికారిక ఫోటోలను పోస్ట్ చేశారు. ఈ జంట తమ కుటుంబ సభ్యులు, సన్నిహితుల సమక్షంలో మైతీ ఆచారాల ప్రకారం సన్నిహిత సెటప్‌లో వివాహం చేసుకున్నారు. ఈ క్రమంలోనే తాజాగా నవంబరు 30న ముంబై విమానాశ్రయంలో నవ వధూవరులు కనిపించారు. కెమెరాలకు పోజులిస్తూ చిరునవ్వులు చిందిస్తూ కనిపించారు. ఈ సమయంలో రణదీప్ సాధారణ తెల్లటి దుస్తులను ధరించారు. మరోవైపు, లిన్ ఎరుపు సంప్రదాయ సల్వార్ సూట్‌లో అందంగా కనిపించింది. ముంబై ఎయిర్‌పోర్ట్‌లో ఛాయాచిత్రకారులకు పోజులిచ్చిన ఈ జంట చేతులు పట్టుకుని ఉన్నారు.
రణదీప్ హుడా, అతని భార్య లిన్ లైష్రామ్ ఇంఫాల్‌లో వివాహం చేసుకున్నారు. లిన్ సంప్రదాయ మణిపురి వధువుగా కనిపించగా, రణదీప్ పరిపూర్ణ మణిపురి వరుడిగా మారిపోయాడు. తన పెళ్లి రోజు కోసం, రణదీప్ పసుపు తలపాగా (కోయెట్)తో సాంప్రదాయక తెల్లని కుర్తాను ధరించాడు. ఇక లిన్ ఒక బరువైన జాకెట్టు, హెవీ బంగారు ఆభరణాలతో రెగల్ పొట్లోయ్ (పోలోయ్ అని కూడా పిలుస్తారు)లో అందంగా కనిపించింది. వారు నవంబర్ 29న ఇంఫాల్ వెస్ట్‌లోని లాంగ్తాబల్‌లో ఉన్న చుమ్‌తంగ్ సనాపుంగ్‌లో వివాహం చేసుకున్నారు. లిన్ మోడల్, నటి. ఆమెకు ఆభరణాల బ్రాండ్ కూడా ఉంది.