Ranveer-Deepika: ముంబై పాష్ ఏరియాలో దీపికా రణ్‌వీర్ డ్రీమ్ హౌస్.. ధర తెలిస్తే షాకే..
Deepika-Ranveer: బాలీవుడ్ నటీనటులు నివసించే బాంద్రా ఏరియాలో ఇల్లంటే మాటలు కాదు.. సముద్రానికి దగ్గరలో ఉండే ఆ ఏరియాలో అపార్ట్‌మెంట్ల ధరలు ఆకాశాన్ని తాకుతుంటాయి.. అయినే అక్కడే కొనుగోలు చేయడానికి ఆసక్తి చూపుతుంటారు తారలు.
ఇక్కడ సూపర్ స్టార్ షారూఖ్ ఖాన్‌తో సహా పలువురు బాలీవుడ్ ప్రముఖులు నివసిస్తున్నారు. రణవీర్ సింగ్, అతని తండ్రి జగ్జిత్ సుందర్ సింగ్ భవ్నానీ యొక్క సంస్థ ఓహ్ ఫైవ్ ఓహ్ మీడియా వర్క్స్ LLP తో కలిసి ముంబైలోని షారూఖ్ ఖాన్ నివాసం మన్నత్‌కు సమీపంలోని పాష్ ఏరియాలో రూ.119 కోట్ల విలువైన విలాసవంతమైన క్వాడ్రప్లెక్స్‌ను కొనుగోలు చేశారు.
వారు తీసుకున్న ఫ్లాట్ అపార్ట్‌మెంట్ టవర్‌లోని 16, 17, 18, 19 అంతస్తులలో విస్తరించి ఉన్నట్లు సమాచారం. ప్రీమియం ప్రాపర్టీలో మొత్తం 11,266 చదరపు అడుగుల కార్పెట్ ఏరియా మరియు 1,300 చదరపు అడుగుల ప్రత్యేకమైన టెర్రస్ ఉన్నాయి.
ఏడాది క్రితం రణ్‌వీర్, అతని భార్య దీపికా పదుకొణె రూ. 22 కోట్లతో అలీబాగ్‌లో బంగ్లాను కొనుగోలు చేశారు. తాజాగా మరో ఇంటిని ఇప్పుడు కొనుగోలు చేశారు. కాగా, రణ్‌వీర్ రోహిత్ శెట్టి దర్శకత్వం వహించిన 'సిర్కస్'లో నటిస్తున్నాడు. ఈ చిత్రంలో జాక్వెలిన్ ఫెర్నాండెజ్, పూజా హెగ్డే, వరుణ్ శర్మ నటిస్తున్నారు. 1960ల కాలం నాటి ఈ చిత్రం రణవీర్ కెరీర్‌లో మొదటి ద్విపాత్రాభినయం.
రిలయన్స్ ఎంటర్‌టైన్‌మెంట్ మరియు టి-సిరీస్ ద్వారా నిర్మించిన ఈ చిత్రం 2022 క్రిస్మస్ సందర్భంగా థియేటర్‌లలోకి రావడానికి సిద్ధంగా ఉంది. ఆలియా భట్, జయా బచ్చన్, షబానా అజ్మీ, ధర్మేంద్రలతో కరణ్ జోహార్ దర్శకత్వంలో వస్తున్న 'రాకీ ఔర్ రాణి కి ప్రేమ్ కహానీ' చిత్రంలో కూడా రణ్‌వీర్ నటిస్తున్నాడు.
