Kanchana Movie : కాంచన రీ రిలీజ్.. ఇదీ ఓ రికార్డే

రీ రిలీజ్ లలో ఓ రికార్డ్ గానే చూడాలి ఈ మూవీని. మామూలుగా తెలుగు స్ట్రెయిట్ మూవీస్ రీ రిలీజ్ అయితేనే అన్ని సినిమాలకూ అదే స్థాయిలో ఆదరణ రావడం లేదు. అలాంటిది ఓ తమిళ్ మూవీ. తెలుగు డబ్బింగ్ మూవీ ఇది. అలాంటి మూవీ రీ రిలీజ్ లో మొదటి రోజే ఏకంగా 3 కోట్లకు పైగా వసూళ్లు రావడం అంటే ఆషామాషీ విషయం కాదు. అది కూడా కేవలం తెలుగు వెర్షన్ లో మాత్రమే. ఈ మూవీ తెలుగు రాష్ట్రాలతో పాటు తమిళ్ లో కూడా కేవలం తెలుగు వెర్షన్ లో రీ రిలీజ్ అయింది. మామూలుగా బుక్ మై షోలోనే ఓ క్రేజ్ ని క్రియేట్ చేసింది. ఇక రిలీజ్ తర్వాత ఓ రేంజ్ లో ఆడియన్స్ ఎగబడ్డారు.

2011లో విడుదలైన కాంచనకు భారీ క్రేజ్ ఇప్పటికీ ఉందంటే ఆశ్చర్యమే. ముని మూవీకి సీక్వెల్ గా వచ్చిన కాంచన అప్పట్లో సెన్సేషనల్ హిట్ గా నిలిచింది. లారెన్స్ డైరెక్షన్ లో రూపొందిన ఈ మూవీలో శరత్ కుమార్ ఓ కీలక పాత్రలో నటించాడు. రొటీన్ మూవీలాగే వచ్చినా.. అందులోని హారర్ ఎలిమెంట్స్ కు అదిరిపోయే రెస్పాన్స్ వచ్చింది. లక్ష్మీరాయ్ హీరోయిన్ గా మూవీకి గ్లామర్ ప్లస్ గా నిలిచింది. అలాగే కోవై సరళ, దేవదర్శినిల కామెడీ అదిరిపోయింది. మరి ఇలాంటి మూవీని ఈ టైమ్ లో రీ రిలీజ్ చేయడం అంతే వింతే అనుకున్నా.. ఈ టైమ్ లో ఎలాంటి కొత్త సినిమాల సందడి లేకపోవడం కూడా ప్లస్ అయింది. అందుకే ఈ మూవీకి భారీ విజయం దక్కేలా ఉంది. ఓ రకంగా చూస్తే తెలుగులో పెద్ద స్టార్స్ నటించిన మూవీస్ రీ రిలీజ్ లాగా ఈ మూవీ కూడా ఆ స్థాయిలో మొదటి రోజు వసూళ్లు సాధించింది. ఇంకా చెబితే ఇంకొందరు స్టార్స్ కంటే కూడా చాలా ఎక్కువ మొత్తంలో వసూలు సాధించింది. వచ్చే వారం వరకూ ఎలాంటి క్రేజీ మూవీస్ లేవు కాబట్టి.. కాంచనకు మరింత పెద్ద విజయం వచ్చే అవకాశాలున్నాయి.