సినిమాలు, సిరీస్ ల నుంచి బ్రేక్ తీసుకోనున్న సమంత
సమంత తన రాబోయే సినిమాల ప్రస్తుత షెడ్యూల్‌ను పూర్తి చేసిన తర్వాత ఏడాది పాటు విరామం తీసుకోవాలని నిర్ణయించుకుంది. ప్రస్తుతం విజయ దేవరకొండతో కలిసి నటిస్తున్న చిత్రం ఖుషి, అమెరికన్ వెబ్ సిరీస్ సిటాడెల్ అనుకరణ షూటింగ్‌లో బిజీగా ఉన్నారు. ప్రస్తుత షెడ్యూల్‌ను పూర్తి చేసిన తర్వాత సినిమాల నుండి ఏడాది పాటు విరామం తీసుకోబోతోంది.
రెండు మూడు రోజుల్లో పూర్తి కానున్న ఖుషి సినిమా షూటింగ్ చివరి షెడ్యూల్ ఇదే. సిటాడెల్ దాదాపు పూర్తి అయింది. షూటింగుల నుండి సంవత్సరం పాటు విరామం తీసుకోవాలనుకుంటుంది. ఇక ఏ కొత్త తెలుగు చిత్రాలకు లేదా బాలీవుడ్ చిత్రాలకు గానీ సంతకం చేయదు. ఆమె తన ఆరోగ్యం పట్ల శ్రద్ధ వహించాలని అదనపు చికిత్స కోసం ఈ సమయాన్ని ఉపయోగించుకోవాలని యోచిస్తోంది. సమంత గతంలో తీసుకున్న నిర్మాతలకు అడ్వాన్స్‌ పేమెంట్స్‌ని తిరిగి ఇచ్చింది. తనకు మయోసైటిస్ అనే ఆటో ఇమ్యూన్ కండిషన్‌తో బాధపడుతున్నానని, దాని కోసం చికిత్స తీసుకుంటున్నట్లు వెల్లడించారు.
ఇటీవలి ఇంటర్వ్యూలో, నటి తన డిసీజ్ రికవరీ గురించి కూడా మాట్లాడుతూ, “నేను ఇంతకు ముందు చెప్పినట్లుగా, కొన్ని మంచి రోజులు ఉన్నాయి, కొన్ని చెడ్డ రోజులు ఉన్నాయి. కొన్ని రోజులు మంచం నుండి లేవడం కష్టం అయింది. నేను పోరాడాలనుకుంటున్నాను. నేను ఎప్పుడూ పోరాట యోధురాలినే, పోరాడతాను అని తెలిపింది.
శివ నిర్వాణ దర్శకత్వం వహించిన ఖుషి చిత్రంలో విజయ్ దేవరకొండ, సమంతతో పాటు జయరామ్, సచిన్ ఖేడేకర్, వెన్నెల కిషోర్ కీలక పాత్రలు పోషించారు. జమ్మూ కాశ్మీర్‌లోని పర్వతాలలో ఆర్మీ ఆఫీసర్‌కి, కాశ్మీరీ అమ్మాయికి మధ్య జరిగే ప్రేమకథ ఆధారంగా ఈ సినిమా తెరకెక్కింది. రొమాంటిక్ డ్రామా చిత్రాన్ని సెప్టెంబర్ 1న థియేటర్లలో విడుదల చేసేందుకు ప్లాన్ చేస్తున్నారు చిత్ర నిర్వాహకులు. మరోవైపు, రాజ్ డికె హెల్మ్ చేసిన అమెరికన్ వెబ్ సిరీస్ సిటాడెల్ ప్రాజెక్టును వరుణ్ ధావన్‌తో కలిసి చేస్తోంది. అతి కూడా త్వరలో పూర్తవనుంది.
