'సారంగదరియా'.. లవ్‌స్టోరీని ఎలా నడిపించిందంటే..
సినిమా కంటే ముందు ఆ పాట ప్రేక్షకుల హృదయాలను తాకింది.. సారంగ దరియా పాట సంగీత ప్రియులనే కాదు అక్షరం ముక్కరాని వారి చేత కూడా హమ్ చేయించింది. ఇటీవలి కాలంలో జానపద గీతాలకు ప్రజాదరణ, ప్రేక్షకాదరణ ఎక్కువగా ఉంటోంది. దర్శకుడి అభిరుచికి తగ్గట్టు పాటను మలుస్తున్నారు రచయితలు.. ఆ ప్రయోగం ప్రేక్షకులనూ మెప్పిస్తుంది.
పదేళ్ల క్రితం, తెలంగాణలోని వరంగల్ జిల్లాకు చెందిన కోమల టోట్టే అనే జానపద గాయని తన స్వగ్రామంలో పొలాల్లో పని చేస్తున్నప్పుడు ఆమె అమ్మమ్మ పాడిన పాటను టాలెంట్ షో లో పాడింది. టీవీ షో రేలా రేలో 'సారంగ దరియా' పాట పాడడంతో ఆమెకు ప్రశంసలతో పాటు గుర్తింపూ వచ్చింది. అయితే ఆ పాటని సినిమాల్లోకి తీసుకున్నాక మరింత పాపులరైంది.
సాయి పల్లవి, నాగచైతన్య నటించిన 'లవ్ స్టోరీ' చిత్రంలో ఈ పాటని పెట్టారు దర్శకుడు శేఖర్ కమ్ముల. పాటని రిలీజ్ చేసిన వారం రోజుల్లోనే ఇంటర్నెట్‌ని ఊపేసింది. ఇక సాయి పల్లవి డ్యాన్స్ ఈ పాటకు ప్లస్ పాయింట్ అయింది. నెలరోజుల్లో మిలియన్ల వ్యూస్‌ని సంపాదించి సెన్సేషన్ క్రియేట్ చేసింది. యూట్యూబ్‌లో 10 రోజుల్లో 31 మిలియన్లకు పైగా వ్యూస్ వచ్చాయి.
10 సంవత్సరాల క్రితం కోమల పాట పాడిన కార్యక్రమంలో సినీ పాటల రచయిత సుద్దాల అశోక్ తేజ్ న్యాయమూర్తిగా ఉన్నారు. సుద్దాల ఆ పాటను 'ఉన్నత స్థాయికి' తీసుకెళ్తానని కోమలకు హామీ ఇచ్చారు. ఈ పాట ఇప్పుడు తెలుగు రాష్ట్రాల్లో మార్మోగిపోతోంది.
గ్రామీణ ప్రాంత ప్రజలు పొలాల్లో పని చేసుకుంటూ అలవోకగా ఆలపించిన గీతాలు ఇప్పుడు సెన్సేషన్ అవుతున్నాయి. వాటికి కొత్త సొబగులు అద్ది సినిమాల్లో పెడుతున్నారు. జానపద సంగీతం అందరికీ చెందినది దానిని ఎవరూ తమ సొంతమని చెప్పుకోలేరు.
తెలంగాణ మాండలికం నుండి పదాలను ఉపయోగించి సుద్దాల 'సారంగ దరియా' సినిమా వెర్షన్‌లో కొన్ని పంక్తులను వ్రాసి జోడించారు. జానపద సంగీతకారులు విద్యావంతులు కానందున అవి ఒక నిర్దిష్ట మార్గంలో వ్రాయబడతాయి. ఏ అర్హతలు లేకపోయినా ఎంతో చక్కని పదాలతో పాటలు పాడడం సంగీత ప్రియులను అలరిస్తాయి. వాటిని సినిమాల్లోకి తీసుకున్నప్పుడు ఉన్న పదాలు చెడకుండా మరికొన్ని అలాంటి పదాలనే ప్రయోగిస్తూ సినిమా పాటగా మలుస్తాము అని సారంగ దరియా పాట రచయిత సుద్దాల అన్నారు.
పాట యొక్క సినిమా వెర్షన్ ఒక యువతి అందాన్ని వివరిస్తూ, ఆమె వ్యక్తిత్వాన్ని వ్యక్తం చేసేదిగా ఉంటుంది. సుద్దాల 'సారంగ దరియా' అనే పదాన్ని 'సారంగి పరికరాన్ని అలంకరించే' వ్యక్తిగా నిర్వచించారు.
సినిమాలో ఈ పాటను మరో ప్రముఖ జానపద గాయని మంగ్లీ పాడారు. దీంతో ఈ పాటకు మరింత అందం వచ్చింది. టాలీవుడ్‌లో టాప్ డ్యాన్స్ మాస్టర్‌లలో ఒకరైన ప్రముఖ కొరియోగ్రాఫర్ శేఖర్ మాస్టర్ ఈ పాటకు డ్యాన్స్ కొరియోగ్రఫీ చేశారు. ఈ పాట విడుదలైన వెంటనే ఇంటర్నెట్ సెన్సేషన్ అయింది, సాయి పల్లవి మనోహరమైన కదలికలు వీక్షకులను ఆకట్టుకుంటున్నాయి.