Satish Kaushik: అర్ధరాత్రి ఒంటిగంటకు గుండెపోటుతో బాధపడ్డ సతీష్ కౌశిక్..
Satish Kaushik: నటుడు, చిత్రనిర్మాత అయిన సతీష్ కౌశిక్ గత రాత్రి కారులో కూర్చున్నప్పుడు అసౌకర్యంగా ఉన్నారు. వెంటనే ఆసుపత్రికి తీసుకెళ్లమని డ్రైవర్ని కోరినట్లు అనుపమ్ ఖేర్ తెలిపారు.లెజెండరీ నటుడు మరియు దర్శకుడు సతీష్ కౌశిక్ 66 సంవత్సరాల వయస్సులో మార్చి 9 న గురుగ్రామ్‌లో గుండెపోటుతో మరణించారు. సతీష్ తన స్నేహితుడి ఇంటికి వెళుతుండగా, అతడికి ఏదో ఆందోళనగా అనిపించింది. గుండె మెలిపెడుతున్నట్లు అనిపించి డ్రైవర్ని ఆసుపత్రికి తీసుకెళ్లమని కోరాడు. అతను తెల్లవారుజామున 1 గంటలకు గుండెపోటుకు గురయ్యాడు" అని ఖేర్ చెప్పారు. కానీ ఆస్పత్రికి తరలించేలోపే అతడు కన్నుమూశాడు. సతీష్ కౌశిక్ మరణంతో, పరిశ్రమ నిజమైన లెజెండ్‌ను కోల్పోయింది, భారతీయ సినిమాపై చెరగని ముద్ర వేసిన బహుముఖ కళాకారుడు. చిత్ర పరిశ్రమకు ఆయన చేసిన సేవలు ఎనలేనివి.
అతను ప్రతిభావంతుడైన నటుడు మాత్రమే కాదు, ప్రతిభావంతుడైన రచయిత, దర్శకుడు, నిర్మాత కూడా. అతని విశేషమైన బహుముఖ ప్రజ్ఞ కారణంగా ప్రేక్షకుల హృదయాల్లో చెరగని ముద్ర వేశాడు. అతను పోషించిన ప్రతి పాత్రలో హాస్యం ఉంటుంది. మిస్టర్ ఇండియా, దీవానా మస్తానా చిత్రాల్లోని అతడి నటనకు ప్రేక్షకులు నీరాజనం పట్టారు. సతీష్ కౌశిక్ 1987 మిస్టర్ ఇండియా హిట్ తర్వాత అతడి ఇంటి పేరు అదే అయిపోయింది. అతను ఎక్కువ చిత్రాలు అనిల్ కపూర్‌తో చేశాడు. అతను క్లాసిక్ జానే భీ దో యారో కు స్క్రీన్ ప్లే అందించారు. రూప్ కి రాణి చోరోన్ కా రాజా, హమ్ ఆప్కే దిల్ మే రెహతే హై వంటి హిట్ చిత్రాలకు దర్శకత్వం వహించాడు. నిర్మాతగా, సతీష్ తేరే నామ్, మిలేంగే మిలేంగే వంటి హిట్‌లను రూపొందించారు. తన నటనా నైపుణ్యానికి మించి, సతీష్ కౌశిక్ కూడా గొప్ప వినయం, కరుణ ఉన్న వ్యక్తి. అతను పరిశ్రమలోని చాలా మంది యువ నటులు, చిత్రనిర్మాతలకు మార్గదర్శకుడిగా ప్రసిద్ది చెందాడు. ఎల్లప్పుడూ సహాయం చేయడానికి ముందుండేవారు.
