Maryada Ramanna : 'మర్యాద రామన్న' హిందీ వెర్షన్ సీక్వెల్

న్యూమెరో యునో దర్శకుడు SS రాజమౌళి దర్శకత్వం వహించిన 2010లో రిలీజైన యాక్షన్ కామెడీ ఎంటర్టైనర్, 'మర్యాద రామన్న', బాక్సాఫీస్ వద్ద భారీ బ్లాక్ బస్టర్ గా నిలిచిన విషయం తెలిసిందే. ఈ చిత్రం తర్వాత హిందీలో 'సన్ ఆఫ్ సర్దార్' పేరుతో రీమేక్ కూడా వచ్చింది. బాలీవుడ్ స్టార్ అజయ్ దేవగన్, సంజయ్ దత్, సోనాక్షి సిన్హా, జుహీ చావ్లా ప్రధాన పాత్రల్లో నటించిన ఈ సినిమా 2012లో విడుదలై విజయవంతమైన ప్రాజెక్ట్‌గా ముగిసింది.

ఇప్పుడు, విడుదలైన దాదాపు 11 సంవత్సరాల తర్వాత, సన్ ఆఫ్ సర్దార్ సీక్వెల్ పొందడానికి సిద్ధంగా ఉంది. 'SOS 2' ప్రస్తుతం స్క్రిప్టింగ్ దశలో ఉంది. ఇందులో అజయ్ దేవగన్, సంజయ్ దత్, సోనాక్షి సిన్హా, జుహీ చావ్లాలను మరోసారి చూడనున్నామని పలువురు భావిస్తున్నారు. వచ్చే ఏడాది మేలో ఈ మూవీ చిత్రీకరణ ప్రారంభం కానుంది. చిత్ర దర్శకుడు, ఇతర నటీనటులు, సిబ్బందికి సంబంధించిన వివరాలు ఈ ఏడాది చివర్లో వెలువడతాయి.

ఆసక్తికరమైన విషయమేమిటంటే.. అజయ్ దేవగన్ తన 2018 థ్రిల్లర్ 'రైడ్‌'కి సీక్వెల్ అయిన 'రైడ్ 2'తో పాటు 'SOS 2'ని చేయనున్నాడు. ఇందులో అతను ఆదాయపు పన్ను శాఖ అధికారిగా కనిపించనున్నాడు. సౌత్ సినిమాల రీమేక్‌ల తర్వాత, ఇప్పుడు బాలీవుడ్‌లో సీక్వెల్‌లు, ఫ్రాంచైజీ చిత్రాలకు సమయం ఆసన్నమైనట్లు దీన్ని బట్టి చూస్తుంటే అనిపిస్తోంది.