Shruti Haasan : రెండు సినిమాల నుండి శృతిహాసన్ అవుట్

ఇటీవలే సలార్ సినిమాతో బ్లాక్ బస్టర్ అందుకుంది శృతిహాసన్. ప్రస్తుతం రజినీకాంత్‌ చిత్రం కూలీలో నటిస్తోంది. లోకేశ్ కనగరాజ్‌ డైరెక్షన్‌లో వస్తోన్న ఈ చిత్రం వచ్చే ఏడాది విడుదల కానుంది. ఇవే కాకుండా మరో రెండు సినిమాలకు ఓకే చెప్పింది శృతి. అందులో టాలీవుడ్‌ హీరో అడివి శేష్ నటిస్తోన్న డెకాయిట్‌:ఎ లవ్ స్టోరీ ఒకటి. మరొకటి చెన్నై స్టోరీ. అయితే ఈ రెండు సినిమాల నుంచి శృతిహాసన్‌ తప్పుకున్నట్లు లేటేస్ట్ టాక్. చిత్ర యూనిట్ మధ్య వచ్చిన కొన్ని విభేదాల కారణంగానే ఆమె గుడ్‌ బై చెప్పినట్లు తెలుస్తోంది. ఈ విషయాన్ని ఆమె సన్నిహితుల్లో ఒకరు మీడియాకు వెల్లడించారు. డెకాయిట్‌తో పాటు చెన్నై స్టోరీ కూడా చేయడం లేదని క్లారిటీ ఇచ్చారు. కాగా.. గతేడాది డిసెంబర్‌లో అడివి శేష్, శృతి హాసన్‌ జంటగా డెకాయిట్‌ మూవీని ప్రకటించారు. టీజర్‌ను కూడా విడుదల చేశారు.