Shruti Haasan : రిలేషన్ కోసం చూస్తున్నా.. శృతి హాసన్ కీలక కామెంట్స్
కమల్ హాసన్ తనయ శృతి హాసన్ ఎప్పుడూ సోషల్ మీడియాలో యాక్టివే! తన సినిమా అప్డేట్స్ ను ఎప్పటికప్పుడు పాలోవర్లతో పంచుకుంటారు. అదే విధంగా తన ఇష్టా ఇష్టాలను సైతం షేర్ చేస్తూ ఉంటారు. ఇటీవల ఓ మీడియా సంస్థకు ఇచ్చిన ఇంటర్వ్యూలో కీలక విషయం వెల్లడించారు. తాను ప్రస్తుతం సింగిలేనని, రిలేషన్ కోసం ఎదురు చూస్తున్నానంటూ బదులిచ్చింది. ప్రస్తుతానికి పనిలో ఎంజాయ్ చేస్తున్నట్టు చెప్పుకొచ్చింది ఈ ముద్దుగుమ్మ. తన కాబోయే భర్త ఎలా ఉండాలన్న విషయంపైనా
కుండ బద్దలుకొట్టిందీ భామ. ఆదర్శవంతమైన భాగస్వామి కావాలంటోందీ అమ్మడు. సరదాగా కూడా ఉండాలట. ఎప్పుడూ జోక్స్ వేస్తూ నవ్వించాలంటోంది. సృజనాత్మకంగా ఇతరులకు స్ఫూర్తి నింపే ఆలోచనలు కలిగి ఉండాలని చెప్పింది. ఆమె చేసిన ఈ వ్యాఖ్యలు వైరల్ గా మారాయి. ఢిల్లీకి చెందిన ప్రముఖ డూడుల్ ఆర్టిస్ట్ శాంతను హజారికతో తాను ప్రేమలో ఉన్నట్లు నాలుగేళ్ల క్రితం ప్రకటించింది శృతి. అయితే ఆయనతో బ్రేకప్ చెప్పేసింది. ఈ విషయాన్ని కూడా తాను సోషల్ మీడియాలో షేర్ చేసింది.