Suhas : సుహాస్ సినిమా పోస్ట్ పోన్ అయింది

వర్షాలు కారణంగా సుహాస్ సినిమా ‘జనక అయితే గనక’ వాయిదా పడింది. ఈ చిత్రాన్ని తెలుగులో దిల్ రాజు విడుదల చేస్తున్నాడు. అయినా వర్షాలు భారీగా ఉండట.. ప్రజలు ఇబ్బందుల్లో ఉన్నారనే కారణంతో ఈ నెల 7న విడుదల కావాల్సిన ఈ చిత్రాన్ని పోస్ట్ పోన్ చేస్తున్నట్టు ప్రకటించారు మేకర్స్. ఈ జనరేషన్ ప్రతిదానికీ కాలిక్యులేటెడ్ గా ఉంటోంది. ఆఖరికి పిల్లలను కనాలన్నా దానికీ కొన్ని లెక్కలు ఉంటున్నాయి. ఆ లెక్కల ప్రకారం పెళ్లి తర్వాత ఒక టైమ్ తర్వాతే పిల్లల్ని కనాలనుకున్న ఓ భర్త.. ఆ మేరకు భార్యకూ కండీషన్ పెడతాడు. ఆ మేరకు తీసుకోవాల్సిన జాగ్రత్తలు తీసుకుంటాడు. కానీ ఆ భార్య నెల తప్పుతుంది. తన కండీషన్ తప్పిందని భార్యపైనే కేస్ వేస్తాడు ఈ భర్త. మరి ఈ కథ ఏ తీరాలకు చేరిందనే పాయింట్ తో రూపొందిన ఈ సినిమా చాలా హిలేరియస్ గా ఉంటుందని మేకర్స్ చెబుతున్నారు.

మొత్తంగా చిన్న సినిమాగా పెద్ద విజయం సాధిస్తుందని చాలామంది నమ్మకంగా ఉన్నారు. బట్ సడెన్ గా పోస్ట్ కావడం కొంత ఆశ్చర్యాన్ని కలిగించింది.

‘ఇప్పుడు వర్షాల మోత.. తర్వాత నవ్వుల మోత.. వర్షాల కారణంగా తమ సినిమాను పోస్ట్ పోన్ చేస్తున్నాం..’ అని అనౌన్స్ చేశారు మేకర్స్. కొత్త రిలీజ్ డేట్ ను త్వరలోనే ప్రకటిస్తారట.