Sukumar : రామ్‌‌‌ చరణ్ తో వన్స్‌‌‌మోర్.. సుకుమార్ క్లారిటీ..!

Sukumar : రంగస్ధలం సినిమాతో బ్లాక్‌‌బాస్టర్ హిట్ కొట్టి సరికొత్త రికార్డులను క్రియేట్ చేశారు మెగా పవర్ స్టార్ రామ్ చరణ్ తేజ్, దర్శకుడు సుకుమార్.. విలేజ్ బ్యాక్ డ్రాప్ లో వచ్చిన ఈ సినిమా విమర్శకుల ప్రశంసలు అందుకుంది. అయితే ఇప్పుడు వీరిద్దరి కాంబినేషన్ లో మరో సినిమా రానుంది.

ఈ విషయాన్ని స్వయంగా సుకుమారే వెల్లడించాడు. పుష్ప మూవీ ప్రమోషన్ లో భాగంగా తదుపరి మూవీస్ గురించి మాట్లాడిన సుకుమార్.. పుష్ప 2 తర్వాత విజయ్ దేవరకొండతో ఓ సినిమా ఉంటుందని ఆ తర్వాత రామ్ చరణ్ తో ఉంటుందని వెల్లడించాడు. రామ్ చరణ్ తో సినిమా ఇంకా చర్చల దశలో ఉందని చెప్పుకొచ్చాడు.

ఇదిలావుండగా సుకుమార్ తెరకెక్కించిన పుష్ప మొదటి పార్ట్ ధియేటర్లో సందడి చేస్తోంది. మైత్రి మూవీ మేకర్స్ ఈ సినిమాని నిర్మించగా దేవిశ్రీప్రసాద్ సంగీతాన్ని అందించాడు. రష్మిక మందన్నా హీరోయిన్ గా నటించింది.