Gangs Of Godavari : క్లాసికల్ మెలోడీ 'సుట్టంలా సూసి' ఫుల్ సాంగ్ రిలీజ్
మాస్ కా దాస్ విశ్వక్ సేన్ నటిస్తోన్న 'గ్యాంగ్స్ ఆఫ్ గోదావరి' నుంచి ప్రేక్షకులు ఎంతగానో ఎదురుచూస్తోన్న సుట్టంలా సూసి ఫుల్ వీడియో సాంగ్ రిలీజైంది. ఈ పాటను మల్లా రెడ్డి ఇంజినీరింగ్ కళాశాలలో కళాశాల విద్యార్థులతో జరిగిన ఇంటరాక్టివ్ సెషన్‌లో అనురాగ్ కులకర్ణి ఈ పాటను పాడాడు. అనంతరం మొదటి సింగిల్ 'సుట్టంలా సూసి' అనే సాంగ్ ను ఆవిష్కరించారు. ఈ క్లాసికల్ మెలోడీ, టైమ్‌లెస్ ట్యూన్‌లను రూపొందించడం అనేది యువన్ నైపుణ్యానికి నిదర్శనంగా నిలుస్తోంది. శ్రీ హర్ష ఈమని ఈ పాటకు అందమైన సాహిత్యంను అందించారు.
పేదరికం నుంచి ధనవంతుడిగా మారాలన్న లక్ష్యంతో రూపొందుతున్న కథాంశంగా గ్యాంగ్స్ ఆఫ్ గోదావరిని రూపొందించారు. సితార ఎంటర్‌టైన్‌మెంట్స్, ఫార్చ్యూన్ ఫోర్ సినిమాస్ కలిసి సంయుక్తంగా నిర్మిస్తోన్న ఈ చిత్రంలో DJ టిల్లు ఫేమ్ నేహాశెట్టి హీరోయిన్ గా నటిస్తోంది. ఆమెతో పాటు అంజలి కూడా ముఖ్యమైన సహాయ పాత్రలో కనిపించనుంది. రచయిత-దర్శకుడు అయిన కృష్ణ చైతన్య ఈ సినిమాకు దర్శకత్వం వహిస్తున్నారు. కాగా సూర్యదేవర నాగ వంశీ, సాయి సౌజన్య ఈ చిత్రానికి నిర్మాతలుగా వ్యవహరిస్తున్నారు. గోదావరి డెల్టా నేపథ్యంలో సాగే పీరియాడికల్-గ్యాంగ్‌స్టర్-డ్రామాగా ఈ చిత్రం రాబోతోంది.
శ్రీకర స్టూడియోస్ సమర్పణలో వెంకట్ ఉప్పుటూరి, గోపీ చంద్ ఇన్నమూరి సంయుక్తంగా నిర్మిస్తున్న ఈ చిత్రానికి నవీన్ నూలి ఎడిటర్. ఈ సినిమాకు సంబంధించి విశ్వక్ సేన్ ఫస్ట్ లుక్ పోస్టర్లు, గ్లింప్స్ ఇప్పటికే సంచలనం సృష్టించాయి. దీంతో మూవీపై మంచి అంచనాలు ఏర్పడ్డాయి.
