'The best gift from god...' : నువ్వు నాకు దేవుడిచ్చిన బెస్ట్ గిఫ్ట్ : భర్తకు పరిణీతి విషెస్
ఆప్ ఎంపీ రాఘవ్ చద్దా తన 35వ పుట్టినరోజును నవంబర్ 11న జరుపుకున్నారు. అతని బెటర్ హాఫ్, నటి పరిణీతి చోప్రా ఈ సందర్భంగా ఇన్‌స్టాగ్రామ్‌లో హృదయపూర్వక పుట్టినరోజు నోట్‌ను పంచుకున్నారు. ఈ చిత్రాలలో ఒకదానిలో, ఆమె రాఘవ్‌తో క్రికెట్ మ్యాచ్‌ను ఆస్వాదిస్తున్నట్లు చూడవచ్చు, మరొక చిత్రంలో, కేవలం జంట పాదాలు మాత్రమే కనిపిస్తాయి. ఇక పరిణీతి తన వివాహ మెహెందీని ప్రదర్శిస్తున్నట్లు కూడా ఇందులో చూడవచ్చు. మరొక చిత్రంలో, పరిణీతి బ్రేక్‌ఫాస్ట్ టేబుల్‌పై పుట్టినరోజు అబ్బాయిని కౌగిలించుకోవడం చూడవచ్చు.
ఈ చిత్రాలతో పాటు, పరిణీతి రాఘవ్ కోసం సుదీర్ఘమైన నోట్ ను రాసింది. ఇది సోషల్ మీడియా యూజర్లను ఎంతగానో ఆకట్టుకుంటోంది. "నా రాగాయీ, దేవుడు నాకు ఇచ్చిన బెస్ట్ గిఫ్ట్ వి నువ్వు. నీ మనస్సు, తెలివితేటలు, నీ విలువలు, నిజాయితీ, విశ్వాసం నన్ను ఎప్పుడూ ఆశ్చర్యపరుస్తాయి. నువ్వు ఇలాగే ఎప్పుడూ మంచి మనిషిగా ఉండాలని కోరుకుంటున్నాను. కుటుంబం పట్ల మీ నిబద్ధత నన్ను ప్రతిరోజూ ఆశీర్వదించేలా చేస్తుంది. మీరు 'ఒక పాతకాలపు పెద్దమనిషి అంటూ ఆమె తన భావాలను షేర్ చేసింది. ఇదే తరహాలో కొన్ని రోజుల క్రితం, రాఘవ్ చద్దా ఆమె పుట్టినరోజు సందర్భంగా పరిణీతి చోప్రా కోసం ఓ హృదయాన్ని హత్తుకునే నోట్ ను రాశారు.
పరిణీతి, రాఘవల వివాహం
నటి పరిణీతి చోప్రా సెప్టెంబరులో ఉదయపూర్‌లోని లీలా ప్యాలెస్‌లో రాజకీయవేత్త రాఘవ్ చద్దాను వివాహం చేసుకున్నారు. ఈ వివాహ వేడుకకు సానియా మీర్జా, హర్భజన్ సింగ్ వంటి అనేక మంది ప్రముఖ వ్యక్తులు హాజరయ్యారు. పరిణీతి, రాఘవ్‌ల వివాహానికి పలువురు ప్రముఖులు కూడా హాజరయ్యారు. ఇక పరిణీతి వర్క్ ఫ్రంట్ గురించి చెప్పాలంటే.. ఆమె ఇటీవల 'మిషన్ రాణిగంజ్‌'లో కనిపించింది. ఆమె తదుపరి రణబీర్ కపూర్ 'యానిమల్' లో కనిపించనుంది. పలు నివేదికల ప్రకారం.. పరిణీతి ఇంతియాజ్ అలీ 'చమ్కిలా'లో కూడా నటించనుంది.