They Call Him OG Trailer : ఓ.జి ట్రైలర్.. తలలు జాగ్రత్త
పవర్ స్టార్ పవన్ కళ్యాణ్ హీరోగా నటించిన మూవీ ఓ.జి. ఈ 25న విడుదల కాబోతోన్న ఓ. జి ట్రైలర్ విడుదలైంది. ఊహించినట్టుగానే దర్శకుడు సుజీత్ పవన్ కళ్యాణ్ ను ఓ రేంజ్ లో ప్రెజెంట్ చేశాడు అనిపిస్తోంది. 80ల కాలం నాటి కథాంశంతో రూపొందిన సినిమా ఇది. ముంబై గ్యాంగ్స్ స్టర్స్ కు సంబంధించిన కథ. పవన్ కూడా ఓ గ్యాంగ్ స్టర్ గానే నటించాడు.. అని ముందు నుంచీ చెబుతున్నారు. కొన్నాళ్ల క్రితం వచ్చిన టీజర్ తోనే భారీ హైప్ క్రియేట్ అయింది. అందుకే సినిమాపై హై ఎక్స్ పెక్టేషన్స్ ఉన్నాయి. ఆ ఎక్స్ పెక్టేషన్స్ ను రీచ్ అయ్యేలానే ఉందీ ట్రైలర్.
‘బాంబేలో గ్యాంగ్ వార్స్ మళ్లీ మొదలయ్యాయి. కానీ ఈ సారి గన్స్ అన్నీ సత్యదాదావైపు తిరిగాయి.. దాదా వరకూ వెళ్లారు అంటే పరిస్థితి చేజారిపోతున్నట్టుంది.. వాడి ఎదుట నిలబడి గెలవడానికి మాత్రం ఒక్కడే..’ అనే వాయిస్ ఓవర్ తో స్టార్ట్ అయిన ట్రైలర్ ఆద్యంతం ఓ కొత్త మూడ్ ను క్రియేట్ చేశాయి. పవన్ ఎంట్రీ తో ట్రైలర్ నెక్ట్స్ లెవల్ కు వెళ్లింది. ‘నిన్ను కలవాలని కొందరు.. చూడాలని ఇంకొందరు.. చంపాలని అందరూ ఎదురుచూస్తున్నారు..’ అనే డైలాగ్ హీరో ఎంతటి పవర్ ఫుల్ అనేది తెలుపుతుంది. ఆ వెంటనే మంటల్లో ఉన్న ఫోన్ ఇమ్రాన్ హష్మీ ఎత్తగానే.. ‘బాంబే వస్తున్నా.. తలలు జాగ్రత్త’ అంటూ పవన్ కళ్యాణ్ వార్నింగ్ ఇవ్వడం చూస్తుంటే.. సుజీత్ వంటకం ఈ సారి మామూలుగా ఉండదు అనిపిస్తోంది.
ఈ ట్రైలర్ కు ప్రీ రిలీజ్ ఈవెంట్ లో పవన్ కళ్యాణ్ చెప్పినట్టుగానే థమన్ నేపథ్య సంగీతం మైండ్ బ్లోయింగ్ అనేలా ఉంది. మొత్తంగా చెప్పిన టైమ్ కు ట్రైలర్ రాకపోయినా వచ్చిన టైమ్ లో మాత్రం అద్దిరిపోయింది అనేలా ఉందనే చెప్పాలి.