'Those days are returning': కాంతారాపై కమల్ కామెంట్.. ఆ రోజులు తిరిగి వస్తున్నాయి..
'Those days are returning': 'ఆ రోజులు తిరిగి వస్తున్నాయి' రిషబ్ శెట్టి దర్శకత్వం వహించి, నటించిన కాంతారా చిత్రాన్ని నటుడు కమల్ హాసన్ ప్రశంసించారు, ఈ చిత్రం తన మనసును కదిలించిందని చెప్పారు. 2022లో వచ్చిన చిత్రాల్లో కాంతారా ది బెస్ట్ ఫిల్మ్ అని ఆయన అన్నారు. ఈ చిత్రం సెప్టెంబర్ 30న విడుదలై సంచలనం సృష్టించింది.
కాంతారా ఈ ఏడాది అత్యంత విజయవంతమైన చిత్రాలలో ఒకటిగా నిలిచింది. ఈ సినిమాపై కమల్ హాసన్ మరోసారి ప్రశంసలు కురిపించారు. కాంతారా విజయం సాధించినందుకు పలువురు తారలు రచయిత-దర్శకుడు-నటుడు రిషబ్‌ను ప్రశంసించారు. హృతిక్ రోషన్ కాంతారాను 'ఎక్స్‌ట్రార్డినరీ' అని మెచ్చుకున్నారు.
దేశవ్యాప్తంగా విజయం సాధించిన తర్వాత, కాంతారా ఇప్పుడు 2022లో బాక్సాఫీస్‌ను శాసించే కొన్ని చిత్రాలలో ఒకటిగా పరిగణించబడుతుంది. అభిమానులే కాదు, తారలు కూడా కాంతారాను ప్రశంసిస్తున్నారు. ఈ చిత్ర కథనం 'చాలా స్ఫూర్తిదాయకం' అని పేర్కొన్న కమల్ హాసన్, ఫిల్మ్ కంపానియన్‌కి ఇచ్చిన ఇంటర్వ్యూలో, తమిళ మెగాస్టార్ తన మనసును కదిలించిన చిత్రం కాంతారా అని అన్నారు.
తాను కూడా కర్ణాటక చిత్ర పరిశ్రమకు చెందిన వాడిని కాబట్టి సంతోషంగా ఉన్నాను. అందుకే వంశవృక్షం, ఒండనొందు కలదల్లి లాంటి చిత్రాలను అందించిన నేల కర్ణాటకలో చాలా మంది విభిన్నంగా ఆలోచిస్తున్నారని అనుకుంటున్నాను. ఆ రోజులు తిరిగి వస్తున్నాయని నాకు అనిపిస్తుంది అని అన్నారు.
కాంతారాపై రిషబ్ శెట్టి
"కాంతారా 18వ శతాబ్దంలో ప్రారంభమై 19వ శతాబ్దానికి చేరిన కథ. ఇది జానపద సాహిత్యం వంటిది, ఇది తరానికి తరానికి సంక్రమిస్తుంది. ఈ కథను జానపద కథల ద్వారా చెప్పాలనుకున్నాను. భారతీయ భావాలు దేశంలో బాగా ప్రతిధ్వనిస్తాయని నేను భావిస్తున్నాను; అందువల్ల పాతుకుపోయిన కథలు బాగా పనిచేస్తాయి.
డ్యాన్స్ లేదా ఫైట్‌లు చాలా సినిమాల్లో చూడొచ్చు. ఇలాంటి కథనాలతో చాలా చిత్రాలు వస్తున్నాయి. అందులో కొత్తేమీ లేదు. మాస్‌ ఎలిమెంట్స్‌, ఎంటర్‌టైన్‌మెంట్‌తో కూడిన కమర్షియల్‌ చిత్రాలకు ప్రేక్షకులు ఉన్నారు. కానీ ఇప్పుడు ప్రేక్షకుల ఆలోచనా ధోరణి మారింది.
వారు దాన్ని అధిగమించారు. నేడు, ప్రజలు విభిన్న కథలను కోరుకుంటున్నారు. కాంతారా వంటి కథనాలు వారిని ఆలోచింపజేస్తున్నాయి. ఇలాంటి కథల్లో ప్రేక్షకులు తమ మూలాలు వెతుక్కుంటున్నారు. కొత్తగా ఆలోచిస్తున్నారు. పాత కథలకు, పాత సాంప్రదాయాలకు పట్టం కడుతున్నారు.