Tiragabadara Saami Teaser: ఇన్నోసెంట్ క్యారెక్టర్ లో రాజ్ తరుణ్

'ఉయ్యాల జంపాలా', 'సినిమా చూపిస్త మావా', 'కుమారి 21 ఎఫ్' చిత్రాలతో హీరోగా మంచి గుర్తింపు తెచ్చుకున్న రాజ్ తరుణ్.. ఇప్పుడు మరో కొత్త మూవీతో రాబోతున్నాడు. 'తిరగబడరా సామీ' పేరుతో రాబోతున్న ఈ సినిమా టీజర్ తాజాగా రిలీజైంది. ఏఎస్ రవికుమార్ చౌదరి దర్శకత్వం వహిస్తున్న ఈ సినిమా టీజర్ ఇప్పుడు అందర్నీ విశేషంగా ఆకట్టుకుంటోంది. అమాయకుడైన రాజ్ తరుణ్ పాత్ర, హింసను ఇష్టపడే హీరోయిన్ పాత్రతో ప్రేమలో పడుతుంది. ఆ తర్వాత కథలో చాలా మార్పులు వస్తాయని టీజర్ చూస్తే అర్థమవుతోంది.

1.47సెకన్ల నిడివితో రిలీజైన ఈ టీజర్.. ఈ పనినే ప్రొఫెషన్ గా ఎందుకు చూజ్ చేసుకున్నానో తెలుసుకోవచ్చా అనే డైలాగ్ లో మొదలవుతుంది. ఆ తర్వాత బాలయ్య సినిమా టికెట్స్ కోసం మర్డర్ చేసినా తప్పులేదు గిరి, ఇది నా సామ్రాజ్యం, దీన్ని అందరూ గంజాయివనం అంటున్నారని ఓ తులసి మొక్కను నాటా, ప్రాణమంటే భయపడే పిరికోడితో నీకు కాపురం ఎందుకు చెప్పు.. నువ్ వెల్లిపో అనే డైలాగ్స్ కూడా సినీ ప్రేక్షకులను ఆకట్టుకుంటున్నాయి. దీన్ని బట్టి చూస్తుంటే రాజ్ తరుణ్ క్యారెక్టర్ ఈ మూవీలో బాగానే ఎంటర్టైన్ చేస్తోందని తెలుస్తోంది.

అందమైన ప్రేమ కథలో, కామెడీ, ఎమోషన్స్, అన్నీ ఉండేలా ఈ సినిమాను తీర్చిదిద్దినట్లు తెలుస్తోంది. రాజ్ తరుణ్ అమాయకుడిగా చక్కగా కనిపిస్తున్నాడు. హీరోయిన్ గా చేసిన మాల్వీ మల్హోత్రా అందంగా కనిపిస్తోంది. డైరెక్టర్ ఏఎస్ రవికుమార్ చౌదరి ఈ మూవీని కమర్షియల్ చిత్రంగా రూపొందించినట్టు టీజర్ ను చూస్తే తెలుస్తోంది. సురక్ష్ ఎంటర్ టైన్మెంట్ బ్యానర్ లో రూపొందుతున్న ఈ సినిమాలో మన్నారా చోప్రా కీలక పాత్రలో కనిపిస్తున్నారు. ఇక జేబీ(JB) సంగీతం అందిస్తున్న ఈ సినిమాకు కెమెరా బాధ్యతలను జవహర్ రెడ్డి ఎమ్ ఎన్ నిర్వహిస్తున్నారు. బస్వా పైడిరెడ్డి ఎడిటర్ బాధ్యతలు నిర్వర్తిస్తుండగా, భాష్యశ్రీ మాటలు అందిస్తున్నారు.