Vijay Sethupathi : తెలుగులోకి విజయ్ సేతుపతి ‘ఏస్’ మూవీ
విజయ్ సేతుపతి హీరోగా నటించిన సినిమాలంటే తెలుగు ప్రేక్షకుల్లో కూడా ఓ రకమైన క్యూరియాసిటీ ఉంటుంది. కొన్నాళ్లుగా ఎక్కువగా క్యారెక్టర్ ఆర్టిస్ట్, విలన్ రోల్స్ తోనే మెప్పిస్తున్నాడు. కొంత గ్యాప్ తర్వాత అతను హీరోగా నటించిన సినిమా ‘ఏస్’. రుక్మిణి వసంత్ హీరోయిన్ గా నటించిన ఈ చిత్రాన్ని అరుముగ కుమార్ డైరెక్ట్ చేస్తూ నిర్మించాడు. ఎమోషనల్ లవ్ ఎంటర్టైనర్ గా రూపొందిన సినిమా ఇది. ఈ మూవీ తెలుగు హక్కుల్ని శ్రీ పద్మిణి సినిమాస్ దక్కించుకుంది.
శ్రీమతి పద్మ సమర్పణలో శ్రీ పద్మిణి సినిమాస్ బ్యానర్ మీద బి.శివ ప్రసాద్ ‘ఏస్’ సినిమాను రెండు తెలుగు రాష్ట్రాల్లో రిలీజ్ చేయబోతున్నారు. విజయ్ సేతుపతి ‘ఏస్’ కోసం ప్రముఖ ప్రొడక్షన్ కంపెనీలు పోటీ పడినా కూడా మంచి రేటుకి శ్రీ పద్మిణి సినిమాస్ బ్యానర్ చేజిక్కించుకుంది. బి. శివ ప్రసాద్ దర్శక, నిర్మాణంలో ఇది వరకు ‘రా రాజా’ అనే సినిమా ఆడియెన్స్ ముందుకు వచ్చి మెప్పించిన సంగతి తెలిసిందే.
విజయ్ సేతుపతి ‘ఏస్’ సినిమాను తమిళం, తెలుగు భాషల్లో మే 23న రిలీజ్ చేయబోతున్నారు. ఇక ఈ చిత్రానికి జస్టిన్ ప్రభాకరణ్ సంగీతాన్ని అందించగా.. సామ్ సీఎస్ బ్యాక్ గ్రౌండ్ స్కోర్‌ను సమకూర్చారు.