Vijay Sethupathi : విజయ్ సేతుపతి‘ఏస్’మూవీ తెలుగు ట్రైలర్ రిలీజ్

మక్కల్ సెల్వన్ విజయ్ సేతుపతి హీరోగా రూపొందిన సినిమా ‘ఏస్’. అరుముగ కుమార్ స్వీయ దర్శకత్వంలో రూపొందిన సినిమా ఇది. కన్నడ బ్యూటీ రుక్మిణి వసంత్ హీరోయిన్ గా నటించింది. ఈ నెల 23న విడుదల కాబోతోన్న ఈ చిత్రాన్ని తెలుగులో డబ్ చేశారు. ఈ క్రమంలో తెలుగు హక్కుల్ని శ్రీ పద్మిణి సినిమాస్ దక్కించుకుంది. శ్రీమతి పద్మ సమర్పణలో శ్రీ పద్మిణి సినిమాస్ బ్యానర్ మీద బి.శివ ప్రసాద్ ‘ఏస్’ సినిమాను రెండు తెలుగు రాష్ట్రాల్లో రిలీజ్ చేయబోతున్నారు. తెలుగులోనూ 23నే రిలీజ్ అవుతోంది. తాజాగా తెలుగు ట్రైలర్ ను విడుదల చేశారు.

ఏస్ ట్రైలర్‌లో.. ‘నా పేరు బోల్ట్ కాశీ’ అంటూ హీరో తనని తాను పరిచయం చేసుకోవడం.. ఆ పేరు ఏంటి? అలా ఉందేంటి? అంటూ యోగిబాబు కామెడీ చేయడం, హీరో హీరోయిన్ల పరిచయం, మలేసియాలో జరిగే ఇల్లీగల్ కార్యకలాపాలు, చేజింగ్ సీన్స్, యాక్షన్ సీక్వెన్స్ అన్నీ అదిరిపోయాయి. జూదం అనేది ఉప్పెనలాంటిది.. క్లైమాక్స్ గుర్తుంది కదా అంటూ యోగి బాబు చెప్పే కామెడీ డైలాగ్ బాగుంది. హీరో వేసే ప్లాన్ ఏంటి? అసలు దేని కోసం పోరాటం చేస్తున్నాడు? అనే ఆసక్తిని రేకెత్తించేలా ట్రైలర్‌ను కట్ చేశారు.

ఏస్ ట్రైలర్‌లో సామ్ సిఎస్ బ్యాక్ గ్రౌండ్ స్కోర్ స్పెషల్ అట్రాక్షన్‌గా నిలిచింది. కరణ్ బి. రావత్ కెమెరా వర్క్ చాలా రిచ్‌గా కనిపించింది. ఇక ఈ మూవీని మే 23న విడుదల చేయబోతున్నారు.