లండన్‌లో రెండో బిడ్డకు స్వాగతం పలకనున్న విరాట్: హర్ష్ గోయెంకా
క్రికెటర్ విరాట్ కోహ్లీ రెండవ బిడ్డకు స్వాగతం పలకనున్నాడు. అనుష్క శర్మ రెండవసారి గర్భం దాల్చిందని మిడియాలో వార్తలు వచ్చినా ఈ జంట వాటిని ధృవీకరించలేదు. అయితే అనుష్క తమ రెండవ గర్భధారణ విషయంలో వస్తున్న వార్తలను తోసి పుచ్చనప్పటికీ, నటి లండన్‌లో కొద్ది రోజుల్లో బిడ్డను ప్రసవించనుందని నివేదికలు వచ్చాయి.
పారిశ్రామికవేత్త హర్ష్ గోయెంకా తన X హ్యాండిల్‌ని తీసుకొని మరికొద్ది రోజుల్లో విరాట్, అనుష్క రెండవ బిడ్డకు తల్లిదండ్రులు కాబోతున్నారని పేర్కొన్నారు. విరాట్ లేదా అనుష్క పేరు పెట్టకుండా, అతను ఇలా వ్రాశాడు, “రాబోయే కొద్ది రోజుల్లో కొత్త బిడ్డ పుట్టబోతోంది! ఈ పాప భారత్‌ను గొప్ప క్రికెట్ తండ్రిలా ఉన్నత శిఖరాలకు తీసుకువెళ్తుందని ఆశిస్తున్నాను. లేక తల్లిని ఫాలో అయి సినిమా స్టార్ అవుతుందా?” గోయెంకా 'మేడ్ ఇన్ ఇండియా' మరియు 'టు బి బోర్న్ ఇన్ లండన్' అనే హ్యాష్‌ట్యాగ్‌లను కూడా ఉపయోగించారు. దీంతో అతను అనుష్క, విరాట్ గురించి మాట్లాడుతున్నాడని అందరూ భావిస్తున్నారు. అనుష్క శర్మ రెండవ గర్భం గురించిన నివేదికలు అక్టోబర్ 2023లో మొదటిసారి ముఖ్యాంశాల్లో చోటు చేసుకుంది. జాతీయ మీడియాకు ఇచ్చిన ఇంటర్వ్యూలో తన భర్త విరాట్ కోహ్లీతో అనుష్క తన రెండవ బిడ్డను ఆశిస్తున్నట్లు పేర్కొంది.
“అనుష్క తన రెండవ బిడ్డ కోసం ఎదురుచూస్తోంది. ”అని ఎంటర్‌టైన్‌మెంట్ పోర్టల్ పేర్కొంది. తరువాత జనవరి 2024లో, AB డివిలియర్స్ తన యూట్యూబ్ ఛానెల్‌లో, “అవును, అతని రెండవ బిడ్డ రాబోతున్నాడు. అవును, కుంటుంబ విషయాలు అతనికి చాలా ముఖ్యమైనవి. చాలా మంది ప్రజలకు కుటుంబమే తమ మొదటి ప్రాధాన్యత కావాలని నేను అనుకుంటున్నాను. అతను సరైన నిర్ణయం తీసుకున్నాడు అని డివిలియర్స్ పేర్కొన్నాడు.
అనుష్క శర్మ, విరాట్ కోహ్లి డిసెంబర్ 2017లో వివాహం చేసుకున్నారు. 2018లో అనుష్క నటించిన చిత్రం జీరో విడుదలైన తర్వాత నటనకు విరామం తీసుకుంది. జనవరి 2021లో మొదటి కుమార్తె వామికను స్వాగతించారు. అప్పటి నుండి, అనుష్క ఏ సినిమాలోనూ పని చేయలేదు. ఆమె స్పోర్ట్స్ డ్రామా చక్దా ఎక్స్‌ప్రెస్‌తో తిరిగి రానుంది. నటి ఇప్పటికే షూటింగ్‌ను పూర్తి చేయగా, సినిమా విడుదల తేదీ ప్రస్తుతానికి ఇంకా ప్రకటించలేదు.
A new baby is to be born in the next few days! Hope the baby takes India to great heights like the greatest cricketing father. Or will it follow the mother and be a film star? #MadeInIndia #ToBeBornInLondon
— Harsh Goenka (@hvgoenka) February 13, 2024
