ZEE5 : జీ 5 బంపర్ ఆఫర్ మార్చి 1 నుంచి 30 వరకూ ఫ్రీ ఎంటర్టైన్మెంట్

ఇండియాలో బిగ్గెస్ట్ ఓటిటి ప్లాట్ ఫామ్ అయిన జీ5 తన సబ్ స్క్రైబర్స్ తో పాటు సబ్ స్క్రైబర్స్ కాని వారికి బంపర్ ఆఫర్ ప్రకటించింది. ఈ ఆఫర్ లో భాగంగా మనోరంజన్ ఫెస్టివల్‌ను ప్రారంభిస్తోంది. ఈ ఫెస్టివల్ గిఫ్ట్ మార్చి నెల మొత్తం ఉపయోగించుకోవచ్చు అని చెబుతోంది జీ 5. మార్చి 1 నుండి 30 వరకు జీ5 ని ఉచితంగా వాడుకోవచ్చని ప్రకటించింది. ఇందులో అనేక బ్లాక్‌బస్టర్ హిట్‌ చిత్రాలు, ఎమోషనల్ డ్రామాలు, కామెడీ ఎంటర్టైన్మెంట్‌లు, హై-ఆక్టేన్ యాక్షన్ మూవీస్ అన్నిటిని ఉచితంగా చూడొచ్చట.

జీ5 మనోరంజన్ ఫెస్టివల్‌ ద్వారా ఎంతో మంది ఉచితంగా ఎంతో మంచి వినోదాన్ని పొందే అవకాశం ఉంది. ఈ ఫెస్టివల్ ద్వారా జీ 5 మరింతగా తన సబ్ స్క్రైబర్లను ఎంటర్టైన్ చేయనుంది. నెల రోజుల పాటు జరిగే ఈ పండుగ ప్రచారంలో రక్షా బంధన్, హడ్డీ, కిసి కా భాయ్ కిసి కి జాన్, ఉంచాయ్, కడక్ సింగ్, ఖుదా హాఫిజ్ చాప్టర్ 2 : అగ్ని పరీక్ష, అటాక్ పార్ట్ 1, లవ్ హాస్టల్, ఛత్రివాలి, ఖిచ్డి 2: మిషన్ పాంతుకిస్తాన్ (హిందీలో), యానై, విక్రమ్ (తమిళంలో), సూపర్ శరణ్య, ఇని ఉత్తరం, ప్రణయ విలాసం, క్వీన్ ఎలిజబెత్ (మలయాళంలో ), బేబ్ భాంగ్రా పౌండే నే (పంజాబీలో ), ఘోస్ట్ (కన్నడలో ) వంటి ఎన్నో సినిమాలను ఫ్రీగా చూసేయొచ్చు.

ఈ సందర్భంగా జీ 5 ప్రతినిధి మాట్లాడుతూ .. ‘జీ 5లో ప్రపంచ స్థాయి వినోదాన్ని మరింత అందుబాటులోకి తీసుకురావడానికి, ఎక్కువ వినోదాన్ని అందించేందుకు మేం ఎప్పుడూ ప్రయత్నిస్తూనే ఉంటాం. జీ 5 మనోరంజన్ ఫెస్టివల్ ద్వారా ఉచితంగా వినోదాన్ని అందించడమే మా లక్ష్యం ఏంటో అందరికీ అర్థమై ఉంటుంది. ఎలాంటి ఖర్చు లేకుండా లక్షలాది మందికి ప్రీమియం కంటెంట్‌ను అందిస్తున్నాం. ‘హర్ స్క్రీన్ రంగీన్’తో, మార్చి అంతా సినిమాలని చూసి ఎంజాయ్ చేయాలి. ఈ హోలీకి జీ 5 మనోరంజన్ ఫెస్టివల్ కుటుంబాన్ని ఒక చోట చేర్చి పండుగను జరిపించేలా వినోదాన్ని అందించాలని కోరుకుంటున్నామ’ని అన్నారు.