1000th ODI India: 1000వ ఓడీఐ.. విజయం మనదే..

1000th ODI India: చారిత్రక వెయ్యో వన్డేలో టీమిండియా సూపర్‌ విక్టరీ కొట్టింది. అహ్మదాబాద్‌ వేదికగా విండీస్‌తో జరిగిన తొలి వన్డేలో 6 వికెట్ల తేడాతో రోహిత్‌ సేన విజయం సాధించింది. ఈ మ్యాచ్​లో 177 పరుగుల లక్ష్యంతో బరిలో దిగిన టీమ్​ఇండియా.. 28 ఓవర్లలో దానిని పూర్తి చేసింది. బ్యాటింగ్​లో ఆరంభం నుంచే భారత్‌ అదరగొట్టింది. ఓపెనర్లు రోహిత్ శర్మ, ఇషాన్ కిషన్.. తొలి వికెట్​కు 84 పరుగులు జోడించారు.

అనంతరం 60 పరుగులు చేసిన రోహిత్ ఔటయ్యాడు. కాసేపటికే 28 పరుగులు చేసిన ఇషాన్‌ కిషన్‌ కూడా ఫెవీలియన్‌ బాట పట్టాడు. ఇక క్రీజులోకి వచ్చిన కోహ్లీ, పంత్‌లు తక్కువ పరుగులకే వెనుదిరిగారు. అయితే ఆ తర్వాత క్రీజులోకి వచ్చిన సూర్యకుమార్‌ యాదవ్‌, దీపక్‌ హుడాలో మరో వికెట్‌ పడకుండా టీమిండియాకు విక్టరీ అందించారు.

అంతకు ముందు టాస్ ఓడి బ్యాటింగ్​కు దిగిన వెస్టిండీస్​.. ప్రారంభం నుంచే వికెట్లు కోల్పోయింది. మన బౌలర్ల స్పిన్​ మాయాజాలానికి చిక్కిన కరీబియన్లు.. 176 పరుగులకే ఆలౌట్​ అయ్యారు. హోల్డర్ అత్యధికంగా 57 పరుగులు చేశాడు. భారత బౌలర్లలో చాహల్ 4, సుందర్ 3, ప్రసిద్ధ్ 2, సిరాజ్ ఓ వికెట్ తీశారు. ఈ విజయంతో మూడు వన్డేల సిరీస్‌లో భారత్‌ 1-0 ఆధిక్యంలోకి వెళ్లింది.