TSPSC పేపర్‌ లీకేజీ కేసులో, చేతులు మారిన రూ.33 లక్షలు

TSPSC పేపర్‌ లీకేజీ కేసులో సిట్‌ అధికారులు ముమ్మర దర్యాప్తు చేపట్టారు. నిందితులకు 33 లక్షలకుపైగా డబ్బులు అందినట్లు సిట్‌ అధికారులు వెల్లడించారు. కాగా.. ఈ కేసులో నిన్నటి ఇద్దరి అరెస్ట్‌తో నిందితుల సంఖ్య 22కి చేరిందని సిట్‌ పేర్కొంది. ప్రధాన నిందితుడు ప్రవీణ్‌కు 16 లక్షలు అందాయని స్పష్టం చేసింది. అదేవిధంగా 10 లక్షల రూపాయలకు నిందితుడు ప్రవీణ్ నుంచి రేణుక రాథోడ్‌ ఏఈ క్వశ్చన్ పేపర్‌ కొనుగోలు చేసింది. రేణుక భర్త డాక్య, రాజేశ్వర్ కలిసి మరో ఐదుగురికి విక్రయించినట్లు గుర్తించారు. ఆరు లక్షలకు డీఈఓ పేపర్‌ను ఖమ్మంకు చెందిన దంపతులకు విక్రయించినట్లు తెలిపారు. ప్రశ్నాపత్రాలు అమ్మగా వచ్చిన డబ్బుతో రాజేశ్వర్ ప్రభుత్వ కాంట్రాక్టు పనులు చేసినట్లు పోలీసులు స్పష్టం చేశారు.