Accident : డీసీఎంను ఢీకొట్టిన కారు.. ముగ్గురు మృతి

జనగామ జిల్లా పెంబర్తి జాతీయ రహదారిపై ఘోర రోడ్డు ప్రమాదం జరిగింది. ఆగి ఉన్న డీసీఎంను కారు వేగంగా ఢీకొట్టింది. ఈ ప్రమాదంలో ముగ్గురు చనిపోయారు. మృతుల్లో ఆరేళ్ల చిన్నారి కూడా ఉంది. డీసీఎం టైర్‌ పంఛర్ కావడంతో రోడ్డుపక్కన ఆపి టైర్ మారుస్తున్నారు. ఈ క్రమంలో కారు వేగంగా వచ్చి ఢీకొట్టింది. డీసీఎం డ్రైవర్, క్లీనర్‌తో పాటు కారులో ఉన్న చిన్నారి కూడా చనిపోయింది. మరో ఇద్దరికి గాయాలయ్యాయి. వారిని జనగామ జిల్లా ఆస్పత్రికి తరలించారు. ఘటనా స్థలానికి చేరుకున్న పోలీసులు కేసు నమోదుచేసుకుని దర్యాప్తు చేస్తున్నారు.