కానిస్టేబుల్ ఘాతుకం.. 150 కాల్స్ చేసినా స్పందించలేదని బాలింతరాలైన భార్యని..

అనుమానం అనేరోగం అనేక రోగాల కంటే కూడా భయంకరమైనది. అనుమానం పెనుభూతం అనే నానుడి ఊరికే రాలేదు. ఈ అనుమానం రోగంతో తమ సంసారాలను సర్వ నాశనం చేసుకుంటారు.

ఇటీవల తల్లిదండ్రుల ఇంట్లో మగబిడ్డకు జన్మనిచ్చిన తన భార్య విశ్వసనీయతను అనుమానించిన ఓ పోలీసు కానిస్టేబుల్ ఆమెను ఫోన్‌లో దుర్భాషలాడాడు. తర్వాత 150 కాల్స్ చేసినా స్పందించకపోవడంతో ఉలిక్కిపడ్డాడు. సోమవారం తెల్లవారుజామున చామరాజనగర్‌ నుంచి 230కిలోమీటర్లు ప్రయాణించి హోస్కోటే సమీపంలోని భార్య తల్లిదండ్రుల ఇంటికి వెళ్లి తాను వెంట తెచ్చుకున్న పురుగుల మందు తాగి తన భార్యను గొంతుకోసి హత్య చేశాడు.

బెట్టహలసూర్ గ్రామ పంచాయతీ కార్యదర్శి సుబ్రమణి చిన్న కుమార్తె ప్రతిభ. BE కంప్యూటర్ సైన్స్ గ్రాడ్యుయేట్. కోలార్ జిల్లా వీరపుర గ్రామానికి చెందిన కిషోర్ ని నవంబర్ 13, 2022న వివాహం చేసుకుంది. మృతురాలు ప్రతిభ (24) 11 రోజుల క్రితం హోస్కోటే సమీపంలోని కలత్తూరు గ్రామంలో మగబిడ్డకు జన్మనిచ్చింది.

పోలీసులు తెలిపిన వివరాల ప్రకారం, కిషోర్ ప్రతిభా పాత్రను అనుమానించేవాడు. ఆమెకు వచ్చిన మెసేజ్ లు, కాల్ వివరాలను క్రమం తప్పకుండా తనిఖీ చేసేవాడు, ఆమెతో మెసేజ్ చేసిన లేదా మాట్లాడిన ప్రతి వ్యక్తి యొక్క పూర్వాపరాలను ప్రశ్నించేవాడు. ఆమె తన కాలేజీ-మేట్స్‌తో మాట్లాడితే కూడా ఇష్టపడేవాడు కాదు.

ఆదివారం సాయంత్రం కిషోర్ భార్య ప్రతిభకు ఫోన్ చేసి ఏవో కారణాలతో తిట్టడం మొదలుపెట్టాడు. ప్రతిభ ఏడుస్తుంటే తల్లి వెంకటలక్ష్మమ్మ ఫోన్ తీసుకుని కాల్ డిస్‌కనెక్ట్ చేసింది. నువ్వు ఇలా ఏడుస్తూ కూర్చుంటే నీ బిడ్డ ఆరోగ్యం దెబ్బతింటుందని ప్రతిభను మందలించింది. కిషోర్ కాల్స్‌కు స్సందించవద్దని సూచించింది. మరుసటి రోజు ఉదయం, కిషోర్ తనకు 150 సార్లు ఫోన్ చేసినట్లు ప్రతిభ గుర్తించింది. ఈ విషయాన్ని ప్రతిభ తన తల్లిదండ్రులకు తెలియజేసింది.

పోలీసులు తెలిపిన వివరాల ప్రకారం.. కిషోర్ సోమవారం ఉదయం 11.30 గంటల ప్రాంతంలో ప్రతిభ తల్లిదండ్రుల ఇంటికి వచ్చాడు. ఇంటికి వచ్చేసరికి ప్రతిభ తల్లి వెంకటలక్ష్మమ్మ బట్టలు ఆరవేసేందుకని డాబాపైకి వెళ్లింది. ప్రతిభ, పాప ఇంటి మొదటి అంతస్తులో ఉన్నారు.

కిషోర్ మొదట పురుగుల మందు తాగాడని, ఆపై లోపలి నుండి తలుపు గడియ పెట్టాడని పోలీసులు తెలిపారు. ప్రతిబను దుపట్టాతో గొంతుకోసి హత్య చేశాడు. వెంకటలక్ష్మమ్మ కిందకు వచ్చి తలుపు తట్టినా స్పందన లేదు. ప్రమాదాన్ని పసిగట్టిన ఆమె తట్టడం కొనసాగించి, తలుపు తెరవమని కిషోర్‌ని కోరింది. 15 నిమిషాల తర్వాత తలుపులు తెరిచి నేనే నీ కూతుర్ని చంపాను, చంపేశాను" అని వెంకటలక్షమ్మతో చెప్పి అక్కడి నుంచి పారిపోయాడు.

కిషోర్‌కు జీవిత ఖైదు విధించాలని సుబ్రమణి కన్నీళ్లతో పోలీసులను కోరారు. కిషోర్ తల్లి కూడా తన కూతురిని వరకట్నం కోసం వేధిస్తుండేదని ఆరోపించారు. నిండా పాతికేళ్లు కూడా లేని కూతురి జీవితం ఓ దుర్మార్గుడి చేతిలో బలైందని, పసి బిడ్డకు తల్లి లేకుండా చేశాడని ప్రతిభ తల్లి కన్నీరుమున్నీరవుతోంది. ఈ మేరకు పోలీసులు కేసు నమోదు చేసుకుని దర్యాప్తు చేస్తున్నారు.