ఆమెకు 20ఏళ్లనుకుని ఇన్‌స్టాలో స్నేహం చేశాడు.. కానీ 45 ఏళ్లని తెలిసి..
కాన్పూర్‌లో సోషల్ మీడియా వేదికగా స్నేహం చేసిన మహిళను కొట్టినందుకు 20 ఏళ్ల యువకుడిని అరెస్టు చేశారు. మహిళకు 45 ఏళ్లు అని తెలుసుకుని ఆమెను కొట్టినట్లు ఆ వ్యక్తి పోలీసులకు తెలిపాడు.
ఇన్‌స్టాలు, ఫేస్ బుక్కులు, వాట్సాప్ లు.. వీటిల్లో పెట్టి ప్రొఫైల్ ఫోటోలు చూసి మనసు పారేసుకునే వారెందరో.. తీరిగ్గా తెలుసుకున్నాక తల పట్టుకుంటారు. ఎప్పుడో వాళ్ల చిన్ననాటి ఫోటోలను పోస్ట్ చేసి అప్పుడెంత అందంగా ఉన్నామో అని అనుకుని ఎవరికి వారే మురిసిపోతుంటారు.
కాన్సూర్ కి చెందిన ఓ వ్యక్తి కూడా ఇలాగే మోసపోయాడు.. ఆనక ఆమెను చూసి షాకై ఆమెపై చేయి కూడా చేసుకున్నాడు.. దీంతో ఆ యువకుడిని పోలీసులకు పట్టించింది ఆ మహిళ.
దీపేంద్ర సింగ్ ఆ మహిళతో ఇన్‌స్టాగ్రామ్‌లో చాట్ చేయడం ప్రారంభించాడు. ఆమెతో స్నేహం కొనసాగించాడు. ఓ ఫైన్ మార్నింగ్ ఇద్దరూ కలుసుకోవాలనుకున్నారు. ఆ రోజు రానే వచ్చింది. ఏవేవో ఊహించుకుని గాల్లో తేలిపోయాడు. ఆమెను కలిసిన తర్వాత, తన ఇన్‌స్టాగ్రామ్ ప్రొఫైల్‌లో యవ్వనంగా కనిపించిన మహిళ చాలా పెద్దది కావడం చూసి అతను షాక్ అయ్యాడు. కోపంతో ఊగిపోయాడు.
పోలీసులు తెలిపిన వివరాల ప్రకారం.. దీపేంద్ర సింగ్ (20) అనే వ్యక్తి ఆ మహిళతో ఇన్‌స్టాగ్రామ్‌లో చాట్ చేయడం ప్రారంభించాడు మరియు వారు ప్రేమలో పడ్డారు. ఒకరోజు ఆమెను వ్యక్తిగతంగా కలవాలని నిర్ణయించుకున్నాడు. తన ఇన్‌స్టాగ్రామ్ ప్రొఫైల్‌లో యవ్వనంగా కనిపించిన మహిళ చాలా పెద్దది కావడం చూసి దీపేంద్ర షాక్ అయ్యాడు. అదే విషయం ఆమెను ప్రశ్నించగా.. తన వయసు 45 ఏళ్లని ఆ మహిళ వెల్లడించింది. దీంతో ఆగ్రహించిన దీపేంద్ర మహిళతో వాదించి ఆమె తలను నేలపై వంచి కొట్టాడు. అనంతరం ఆమె మొబైల్‌ను తీసుకుని అక్కడి నుంచి పరారయ్యాడు.
తన మొబైల్ ఫోన్ దొంగిలించాడని గుర్తు తెలియని వ్యక్తి తనను కొట్టాడని ఆ మహిళ పోలీసులకు ఫిర్యాదు చేసింది. విచారణలో దీపేంద్ర గురించి తెలుసుకున్న పోలీసులు అతడిని అదుపులోకి తీసుకున్నారు.
