సింగపూర్‌.. కాలేజీ విద్యార్థినిపై అత్యాచారం చేసిన భారతీయ వ్యక్తికి 16 ఏళ్ల జైలుశిక్ష
కొన్ని దేశాల్లో శిక్షలు చాలా కఠినంగా ఉంటాయి. అంతటి కఠినమైన శిక్షలు విధిస్తేనే కానీ మరొకరు అలాంటి పని చేయడానికి భయపడతారని ప్రభుత్వం గట్టిగా భావిస్తుంది. అందుకే ఇలాంటి వెధవ వేషాలు వేసేముందు ఒక్క క్షణం ఆలోచించాలి. క్షణికావేశంలో చేసే పనులకు అటు అమాయకపు ప్రాణాలు బలికావడంతో పాటు నేరస్థుడికి కూడా శిక్షలు చాలా కఠినంగా ఉంటాయి. బెయిల్ తీసుకుని బయటకు వచ్చి బలాదూర్ గా తిరుగుతామంటే అస్సలు కుదరదు.
అత్యాచార బాధితురా తీవ్రంగా గాయపడడంతో ఆసుపత్రిలో చికిత్స పొందుతోంది. బాధితురాలిని ఆమె ప్రియుడు కూడా గుర్తించలేకపోయాడు. గాయాలు అంత తీవ్ర స్థాయిలో ఉన్నాయి. 2019లో యూనివర్శిటీ విద్యార్థినిపై అత్యాచారం చేసిన కేసులో 26 ఏళ్ల భారతీయ యువకుడికి సింగపూర్‌లోని కోర్టు 16 ఏళ్ల జైలు శిక్ష, 12 లాఠీ దెబ్బలు విధించింది. కిడ్నాప్ మరియు దొంగతనం ఆరోపణలను కూడా పరిగణనలోకి తీసుకుని శిక్షవిధించింది.
యూనివర్శిటీ విద్యార్థిని బస్‌స్టాప్‌కు అర్థరాత్రి నడుచుకుంటూ వెళుతుండగా, క్లీనర్‌గా పనిచేస్తున్న చిన్నయ్య ఆమెను కొట్టి, అటవీ ప్రాంతంలోకి లాక్కెళ్లి అత్యాచారం చేశాడని జాతీయ మీడియా నివేదించింది. అత్యాచారం మే 4, 2019న జరిగింది. కేసు విచారణకు నాలుగేళ్లు పట్టిందని కోర్టు పేర్కొంది.
డిప్యూటీ పబ్లిక్ ప్రాసిక్యూటర్ (డిపిపి) కయల్ పిళ్లై మాట్లాడుతూ, చిన్నయ్య విద్యార్థినిపై లైంగిక వేధింపులకు పాల్పడుతుండగా, ఆమె గట్టిగా అరిచినా లాభం లేకపోయింది. చిన్నయ్య తన పట్టును మరింత బిగించి ఆమెను లొంగదీసుకున్నాడు.
ఎంత అరిచినా ఉపయోగం లేదని, మౌనంగా ఉండమని నీ మాట ఎవరూ వినరని ఆమెను వారించాడు. యువతిపై అత్యాచారం చేసిన తర్వాత చిన్నయ్య ఆమె వాటర్ బాటిల్ తీసుకొని కొన్ని నీళ్లు తాగి మిగిలిన నీటిని ఆమె శరీరం యొక్క దిగువ భాగంలో పోసి వెళ్లిపోయాడు.
ఆమె తన బ్యాగు తీసుకుని అందులో నుండి మొబైల్ ఫోన్ తీసి తన ప్రియుడికి సమాచారం అందించింది. అనంతరం అతడు పోలీసులకు విషయం తెలిపాడు.ఆమె తన కళ్లద్దాలను గుర్తించలేకపోయినప్పటికీ, ఆమె తన ప్రియుడితో మాట్లాడటానికి తన మొబైల్ ఫోన్‌ను కనుగొనగలిగింది. ఆ తర్వాత ఆమె స్నేహితుడిని సంప్రదించి పోలీసులకు ఫోన్ చేశాడు.
నిందితుడు చిన్నయ్యను మే 5, 2019న పోలీసులు అరెస్టు చేశారు.15 నుండి 17 సంవత్సరాల జైలు శిక్ష, 16 నుండి 18 బెత్తం దెబ్బలు వేయాలని కోరుతూ, ప్రాసిక్యూషన్ అతని దాడి కనికరం లేకుండా, దుర్మార్గంగా ఉందని వాదించింది.
