JANA NAYAGAN: జననాయగన్’ లీకేజీ కలకలం.. ఆరుగురు అరెస్ట్
కోలీవుడ్ స్టార్ హీరో దళపతి విజయ్ తన కెరీర్లో ఆఖరి చిత్రంగా నటిస్తున్న ‘జననాయగన్’ను పైరసీ సమస్యలు చుట్టుముట్టాయి. షూటింగ్ పూర్తి చేసుకుని విడుదలకు సిద్ధమవుతున్న ఈ భారీ ప్రాజెక్టుకు సంబంధించి ఒక కీలకమైన పాటతో పాటు, సుమారు 5 నిమిషాల సీన్, ఓ పాట ఆన్లైన్లో లీక్ కావడం చిత్ర పరిశ్రమలో తీవ్ర కలకలం రేపింది. విజయ్ రాజకీయాల్లోకి వెళ్లే ముందు వస్తున్న చివరి సినిమా కావడంతో దీనిపై ఉన్న భారీ అంచనాలను ఈ లీకేజీ దెబ్బతీసే అవకాశం ఉందని చిత్రబృందం ఆందోళన వ్యక్తం చేస్తోంది.
ఈ సినిమాకు చెందిన సుమారు ఐదు నిమిషాల నిడివి ఉన్న సన్నివేశంతో పాటు ఒక పాట కూడా సోషల్ మీడియాలో బయటకు రావడం కలకలం రేపింది. ముఖ్యంగా విజయ్ రాజకీయాల్లోకి అడుగుపెట్టే ముందు వస్తున్న చివరి చిత్రం కావడంతో, ఈ లీక్ సినిమా క్రేజ్పై ప్రభావం చూపే ప్రమాదం ఉందని చిత్రబృందం భావిస్తోంది. ఈ ఘటనను అత్యంత గంభీరంగా తీసుకున్న నిర్మాతలు వెంటనే సైబర్ క్రైమ్ పోలీసులను ఆశ్రయించారు. సాంకేతిక ఆధారాల సహాయంతో దర్యాప్తు చేపట్టిన పోలీసులు, ఈ పైరసీ వ్యవహారంలో ప్రమేయం ఉన్నారని అనుమానిస్తున్న ఆరుగురిని అరెస్ట్ చేశారు. వారి వద్ద నుంచి డిజిటల్ పరికరాలను స్వాధీనం చేసుకుని, లీక్ ఎలా జరిగిందన్న అంశంపై లోతైన విచారణ కొనసాగిస్తున్నారు. ఇంకా ఈ వ్యవహారానికి సంబంధించి మరికొందరి పాత్ర ఉన్నదా అనే కోణంలో కూడా పరిశోధన సాగుతోంది. ఇదిలా ఉండగా, చిత్రబృందం తరఫున న్యాయవాది సోషల్ మీడియా వేదికగా కఠిన హెచ్చరిక జారీ చేశారు. లీకైన కంటెంట్ను డౌన్లోడ్ చేయడం, షేర్ చేయడం, లేదా ఫార్వర్డ్ చేయడం వంటి చర్యలకు పాల్పడితే కఠిన చట్టపరమైన చర్యలు తప్పవని స్పష్టం చేశారు. వాట్సాప్ గ్రూపులు, సోషల్ మీడియా ప్లాట్ఫారమ్లు ఎక్కడైనా ఈ కంటెంట్ షేర్ చేసిన వారినీ గుర్తించి కేసులు నమోదు చేస్తామని హెచ్చరించారు.