Pune Crime: డెలివరీ ఏజెంట్‌గా వచ్చిన కామాంధుడు.. యువతిపై అతడు..
బుధవారం సాయంత్రం పూణేలో 22 ఏళ్ల యువతిపై కొరియర్ డెలివరీ ఎగ్జిక్యూటివ్‌గా నటిస్తూ ఆమె అపార్ట్‌మెంట్‌లోకి ప్రవేశించిన గుర్తు తెలియని వ్యక్తి అత్యాచారం చేశాడు. ఈ సంఘటన రాత్రి 7.30 గంటల ప్రాంతంలో కొంధ్వా ప్రాంతంలో జరిగింది. ఈ మేరకు సమాచారం అందుకున్న పోలీసులు నిందితుడి కోసం గాలింపు చర్యలు చేపట్టారు.
నివేదికల ప్రకారం, ఆ మహిళ తన ఫోన్‌లో OTP కోసం తనిఖీ చేయడానికి లోపలికి వెళ్ళినప్పుడు నిందితుడు ఆమె ఇంట్లోకి ప్రవేశించి ఆమెపై లైంగిక దాడికి పాల్పడ్డాడు. అదే సమయంలో బాధితురాలు స్పృహ తప్పి పడిపోయింది. నిందితుడు ఆమెపై ఏదైనా స్ప్రేను ఉపయోగించి ఉండవచ్చని పోలీసులు అనుమానిస్తున్నారు.
"రాత్రి 8.30 గంటల ప్రాంతంలో స్పృహలోకి వచ్చిన తర్వాత ఆమెకు ఏమీ గుర్తులేదు. చాలా సేపటి తర్వాత ఆమె తన బంధువులకు సమాచారం అందించింది. వారు పోలీసులను అప్రమత్తం చేశారు" అని డిప్యూటీ కమిషనర్ ఆఫ్ పోలీస్ (జోన్ 5) రాజ్ కుమార్ షిండే తెలిపారు.
నిందితుడు బాధితురాలి ఫోన్‌లో సెల్ఫీ కూడా తీసుకున్నాడని, దానిపై ఒక సందేశం ఉంచాడని, నేరం గురించి ఎవరికీ చెప్పవద్దని, ఒకవేళ చెప్పినట్లు తెలిసినట్లైతే ఆమె ఫోటోలు తీసి సోషల్ మీడియాలో షేర్ చేస్తానని బెదిరించాడని షిండే తెలిపారు.
ఆ వ్యక్తి సెల్ఫీలో "నేను మళ్ళీ వస్తాను" అని కూడా రాశాడని కొన్ని నివేదికలు పేర్కొన్నాయి. ఒక ప్రైవేట్ సంస్థలో పనిచేస్తున్న బాధితురాలు తన అపార్ట్‌మెంట్‌లో ఒంటరిగా ఉంది. పోలీసులు ఆ ప్రాంతంలోని సీసీటీవీ ఫుటేజ్‌లను పరిశీలిస్తున్నారు. నిందితుడిని పట్టుకోవడానికి గాలింపు చర్యలు ప్రారంభించారు.