పెళ్ళి వాహనం బోల్తా.. 30 మందికి తీవ్ర గాయాలు.. ముగ్గురి పరిస్థితి విషమం

సూర్యపేట జిల్లాలో పెళ్లి బృందం ప్రయాణిస్తున్న వాహనం ప్రమాదానికి గురైంది. ఈ ప్రమాదంలో 30 మందికి తీవ్ర గాయాలయ్యాయి. అర్వపల్లి మండలం బొల్లంపల్లికి చెందిన శిరీషకు ఉట్కూరుకు చెందిన గణేష్ తో ఇవాళ వివాహం జరగనుంది. ఆ వివాహం కోసం బొల్లంపల్లి నుండి ఓ వాహనంలో30 మంది బంధువులు బయలుదేరారు. వాహనం జగ్గారెడ్డి గూడెం దగ్గర అదుపుతప్పి పల్టీ కొట్టింది. వాహనంలో ఉన్న 30 మందికి తీవ్ర గాయాలు అయ్యాయి. ముగ్గురి పరిస్థితి విషమంగా ఉంది.. క్షతగాత్రులను సూర్యపేట ప్రభుత్వ ఆస్పత్రికి తరలించి చికిత్స అందిస్తున్నారు.