అతడికి అడ్మిషన్ ఇవ్వండి: ఐఐటీ ధన్‌బాద్‌కు సుప్రీం జడ్జి ఉత్తర్వులు జారీ
రూ.17,500. ప్రతిష్టాత్మకమైన ఐఐటీ ధన్‌బాద్‌లో ప్రవేశం పొందేందుకు దళిత విద్యార్థి చెల్లించాల్సిన ఫీజు అది. కానీ రోజువారీ కూలీ అయిన ఆ విద్యార్ధి తండ్రికి అది కష్టంతో కూడుకున్న వ్యవహారం దాంతో అతడు ముందు హైకోర్టును ఆ తరువాత సుప్రీం కోర్టును ఆశ్రయించారు. ఉత్తరప్రదేశ్ విద్యార్థి ఫీజు సమర్పించడానికి నాలుగు రోజుల సమయం ఉంది. విద్యార్థి తండ్రి, రోజువారీ కూలీ, అతను చేయగలిగినదంతా చేశాడు. కానీ ఫలితం దక్కలేదు. ఒక్క రూపాయి కూడా దొరకలేదు. ఎలాగైనా కొడుకుని ఉన్నత చదువులు చదివించాలని ప్రయత్నించాడు, ఆ క్రమంలో ఫీజు గడువు కూడా ముగిసి పోయింది. అయినా ఆశ కోల్పోలేదు. న్యాయస్థానాలను ఆశ్రయించాడు.
మూడు నెలలపాటు తండ్రి ఎస్సీ/ఎస్టీ కమిషన్‌, జార్ఖండ్‌, మద్రాస్‌ హైకోర్టుల చుట్టూ ప్రదక్షిణలు చేశారు. చివరికి ఏదీ ఫలించకపోవడంతో సుప్రీంకోర్టును ఆశ్రయించారు.
"అంతటి ప్రతిభావంతుడైన కుర్రాడిని వదిలేయడానికి మేము అనుమతించలేము. అతన్ని వదిలిపెట్టలేము అని ప్రధాన న్యాయమూర్తి డివై చంద్రచూడ్, విద్యార్థిని చేర్చుకోవాలని ఐఐటిని ఆదేశించారు."అడ్మిషన్ పొందేందుకు అన్ని ప్రయత్నాలు చేసిన అట్టడుగు వర్గానికి చెందిన ప్రతిభావంతులైన విద్యార్థిని వదిలిపెట్టకూడదని మేము భావిస్తున్నాము. అభ్యర్థికి ఐఐటి ధన్‌బాద్‌లో అడ్మిషన్ మంజూరు చేయండి. ఫీజు చెల్లించి ఉంటే అతనికి అడ్మిషన్ లభించేది'' అని ధర్మాసనం తన ఉత్తర్వుల్లో పేర్కొంది.
విద్యార్థి తండ్రి రోజుకు ₹ 450 సంపాదిస్తున్నారని పిటిషనర్ తరపు న్యాయవాది తెలిపారు. "17,500 ఏర్పాటు చేయడం చాలా పెద్ద విషయం. అతను గ్రామస్తుల నుండి డబ్బు వసూలు చేశాడు."
అతుల్ కుమార్‌ను ఎలక్ట్రికల్ ఇంజినీరింగ్ బీటెక్ కోర్సులో చేర్చుకోవాలని ఐఐటీ ధన్‌బాద్‌ని కోరడంలో అత్యున్నత న్యాయస్థానం రాజ్యాంగంలోని ఆర్టికల్ 142 కింద తన అసాధారణ అధికారాలను ఉపయోగించింది. రాజ్యాంగంలోని 142వ అధికరణం న్యాయ ప్రయోజనాల దృష్ట్యా ఏదైనా ఉత్తర్వును జారీ చేసే అధికారం సుప్రీంకోర్టుకు ఉంది.
యుపిలోని ముజఫర్‌నగర్ జిల్లాలోని ఒక గ్రామం నుండి వచ్చిన 18 ఏళ్ల విద్యార్థినితో ప్రధాన న్యాయమూర్తి "ఆల్ ది బెస్ట్. బాగా చదువుకోండి" అని అన్నారు.
" పట్టాలు తప్పిన రైలు ఇప్పుడు తిరిగి ట్రాక్‌లోకి వచ్చింది " అని విద్యార్ధి అతుల్ అన్నాడు. ప్రధాన న్యాయమూర్తి చంద్ర చూడ్ కు ధన్యవాదాలు తెలిపాడు.