రాజకీయాల్లోకి రావాలనుకోలేదు.. కానీ రాకతప్పలేదు: వినేష్ ఫోగట్
రెజ్లింగ్ ఛాంపియన్ వినేష్ ఫోగట్ రాజకీయాలలోకి ప్రవేశించి కొత్త సవాలును స్వీకరించింది. హర్యానాలోని జింద్‌లోని జులానా నియోజకవర్గం నుంచి పోటీ చేస్తున్న ఫోగట్ మాట్లాడుతూ, తాను రాజకీయాల్లోకి ఇష్టపూర్వకంగా రాలేదని, అవసరం ఆ పని చేయించిందని అన్నారు. జాతీయ మీడియాకు ఇచ్చిన ప్రత్యేక ఇంటర్వ్యూలో, ఫోగట్ రాజకీయాల్లోకి రావాలనే తన నిర్ణయం గురించి, కాంగ్రెస్ టిక్కెట్‌పై ఎందుకు పోటీ చేయాలని నిర్ణయించుకున్నారో, హర్యానా పట్ల తన విజన్ ఏమిటో వివరంగా మాట్లాడారు.
2024 ఒలింపిక్స్ తర్వాత, పరిస్థితులు నన్ను ఈ నిర్ణయానికి పురిగొల్పాయి. నా తోటి వారి కోసం, వారి పిల్లల కోసం, నాలోని పోరాట పటిమను సజీవంగా ఉంచడానికి నేను ముందుకు రావాలని ప్రజలు కోరుకున్నారు. అందుకే రాజకీయాల్లోకి ప్రవేశిచాను అని వినీష్ ఫోగట్ పంచుకున్నారు.
మాజీ రెజ్లింగ్ ఫెడరేషన్ ఆఫ్ ఇండియా చీఫ్ బ్రిజ్ భూషణ్ సింగ్‌పై పలువురు మహిళా రెజ్లర్లు లైంగిక వేధింపులకు పాల్పడ్డారని ఆరోపించిన తర్వాత ఆయనకు వ్యతిరేకంగా వీధుల్లోకి వచ్చిన ప్రముఖ రెజ్లర్లలో వినేష్ ఫోగట్ కూడా ఉన్నారు. ‘‘వీధుల్లో పోరాడి ఏం సాధించాం? మాకు అవమానం తప్ప మరేమీ మిగల్లేదు.
నేను ఒలింపిక్స్‌కి వెళ్లాను. అక్కడ కూడా నాకు అన్యాయమే జరిగింది.. ఆ విషయం మీక్కూడా తెలుసు. నాకు ఎప్పుడూ న్యాయం జరగలేదు. రాజకీయాల్లోకి రావడానికి ఏ స్త్రీ కూడా వీధుల్లోకి రాదు, బట్టలు చింపుకోదు, జుట్టు లాగించుకోదు. నాలాంటి క్రీడాకారులు పేరు తెచ్చుకుని, పతకాలు సాధించి, ప్రజలకు సుపరిచితులైన వారు కావాలనుకుంటే రాజకీయాల్లోకి వచ్చేవారు. కానీ ఎవరూ అలా అనుకోరు.
రెజ్లర్లు రెండవసారి ఆందోళనకు కూర్చున్నప్పుడు, ఎంపీ బ్రిజ్ భూషణ్ శరణ్ సింగ్ పై ఎలాంటి చర్యా తీసుకోలేదు.
పార్టీ మొత్తం అతని వైపు ఉండి, మల్లయోధులను అబద్దాలుగా చిత్రీకరించింది. మా పతకాలను గంగలో ముంచుతామని బెదిరించినప్పుడు, మా వద్దకు వచ్చింది కాంగ్రెస్ మాత్రమే కాదు. మమతా బెనర్జీ మమ్మల్ని పిలిచారు, అలా చేయవద్దని వేడుకున్నారు. ఆమె కాంగ్రెస్‌కు చెందినది కాదు. ఆప్‌కి చెందిన అరవింద్ కేజ్రీవాల్ మా నిరసనకు వచ్చారు. వివిధ రాజకీయ పార్టీలకు చెందిన వారు మా నిరసనకు మద్దతుగా నిలిచారు.
రెజ్లర్ల నిరసన ఒక రాజకీయ పార్టీచే నిర్వహించబడిందని బిజెపి వాదించదు" అని వినేష్ ఫోగట్ అన్నారు. “కొన్నిసార్లు వారు మమ్మల్ని ముస్లింలుగా నిందిస్తారు, కొన్నిసార్లు మేము పాకిస్తాన్‌కు మద్దతు ఇస్తున్నామని లేదా మేము ఖలిస్తానీలమని చెబుతారు.
రాజకీయాల్లో ప్రవేశించడం నిలదొక్కుకోవడం అంత తేలికైన విషయం కాదు. "మొదట్లో కుస్తీ క్రీడ ఎంత కష్టంగా అనిపించేదో అలాగే, ప్రతి రంగంలోనూ ప్రారంభం కఠినంగా ఉంటుంది. రాజకీయాలు అందుకు మినహాయింపు కావు. కాలంతో పాటు నేను నేర్చుకుంటాను, అలవాటు చేసుకుంటాను." ప్రజలను తెలుసుకోవడం, వారి అవసరాలను అర్థం చేసుకోవడం ప్రస్తుతం తనకు అత్యంత ముఖ్యమైన సవాలు అని ఆమె తెలిపింది.
చర్కీ దాద్రీ సీటుపై ఇది కాంగ్రెస్ అధిష్టానం నిర్ణయమని, ఆమెది కాదని స్పష్టం చేశారు. “జులానా నా ప్రాధాన్యత, కానీ నేను మొత్తం హర్యానా అభివృద్ధి కోసం పని చేయాలని లక్ష్యంగా పెట్టుకున్నాను. కేవలం ఒక నియోజకవర్గానికే పరిమితం కాదలచుకోలేదు. యువ అథ్లెట్లకు సురక్షితమైన వాతావరణాన్ని సృష్టించడంపైనే తన దృష్టి ఉందని ఆమె అన్నారు.
"యువ అథ్లెట్లకు, ముఖ్యంగా లైంగిక వేధింపులకు గురయ్యే వారికి సురక్షితమైన వాతావరణాన్ని సృష్టించడం నా ప్రాథమిక లక్ష్యం. వారి హక్కుల కోసం పోరాడుతున్నాననే విశ్వాసాన్ని వారికి అందించాలనుకుంటున్నాను" అని వినేష్ ఫోగట్ అన్నారు.
"ఇది తేలికైన పోరాటం అయితే, వారు ఇక్కడి నుండి (జులానా) వినేష్ ఫోగట్‌ను రంగంలోకి దింపేవారు కాదు. నేను పూర్తి బాధ్యత మరియు అంకితభావంతో పని చేస్తున్నాను. నా పనిపై నాకు నమ్మకం ఉంది" అని ఫోగట్ తెలిపింది.