పరస్పర అంగీకారంతో విడాకులు తీసుకోండి.. దంపతులకు చీఫ్ జస్టిస్ సలహా

వివాహ వివాద కేసును బదిలీ చేయాలంటూ దాఖలైన పిటిషన్‌ను విచారించిన భారత ప్రధాన న్యాయమూర్తి డివై చంద్రచూడ్, పరస్పర అంగీకారంతో విడాకులకు అంగీకరించాలని దంపతులకు సూచించారు. సుదీర్ఘ న్యాయ పోరాటం న్యాయవాదులకు మాత్రమే ప్రయోజనం చేకూరుస్తుందని అన్నారు.

ప్రధాన న్యాయమూర్తి మహిళ విద్యార్హతలను అడిగారు. యూఎస్ యూనివర్శిటీ నుంచి ఎంటెక్ డిగ్రీ, డాక్టరేట్ పట్టా పొందానని ఆ మహిళ బదులివ్వగా, ఎక్కడ పనిచేస్తున్నారని ఆమెను ప్రధాన న్యాయమూర్తి ప్రశ్నించారు. ఈ సమయంలో తాను పని చేయడం లేదని మహిళ సమాధానం ఇచ్చింది.

"మీరు చాలా చదువుకున్నారు, మీకు ఉద్యోగం లేదు, మీ కోసం ఉద్యోగం వెతకాలి" అని చీఫ్ జస్టిస్ అన్నారు.

పరస్పర అంగీకారంతో విడాకులను తీసుకోవాలని ఆమెకు సలహా ఇస్తూ, మీరు విడాకుల కేసు ఫైల్ చేస్తే ఇది 10 సంవత్సరాల పాటు కొనసాగుతుంది . ఇది న్యాయవాదులు మాత్రమే ఉపయోగకరం. మీరిద్దరూ పరస్పర అంగీకారంతో విడాకులకు అంగీకరిస్తారా? లేకుంటే క్రిమినల్ కేసు కింద ఫైల్ చేయమంటారా. ఇది మీకే నష్టం. మీరు పరస్పర అంగీకారంతో విడాకులకు అంగీకరిస్తే, మేము కేసును ముగించవచ్చు అని చీఫ్ జస్టిస్ అన్నారు.

"మీరు ఒకరికొకరు కలిసి జీవించ లేరని స్పష్టంగా ఉంది. ఇప్పుడు మీరు చదువుకోనివారు, నిరక్షరాస్యులైతే తీర్పు భిన్నంగా ఉంటుంది, కానీ మీరు చాలా అర్హత కలిగి ఉన్నారు, మీరు ఉద్యోగం పొందవచ్చు" అని ప్రధాన న్యాయమూర్తి ఆమెకు సలహా ఇచ్చారు.