EPF pension: పెన్షనర్లకు శుభవార్త.. జూన్ 26వరకు గడువు పెంపు

అర్హులైన పెన్షనర్లందరూ అధిక పెన్షన్ కోసం దరఖాస్తుచేసుకోడానికి గడువును పొడిగించింది కేంద్ర ప్రభుత్వం. మే 3, 2023 వరకు మాత్రమే ఉన్న గడువును, జూన్ 26, 2023 వరకు పొడిగిస్తున్నట్లు అధికారులు ప్రకటించారు. ఈ ప్రక్రియను సులభతరం చేసేందుకు ఆన్ లైన్ సదుపాయాన్ని అందుబాటులోకి తెచ్చింది. ఇప్పటి వరకు 12 లక్షలకు పైగా దరఖాస్తులు వచ్చినట్లు తెలిపారు. ఆన్‌లైన్ సౌకర్యం మే 3, 2023 వరకు మాత్రమే అందుబాటులో ఉండగా... సమయం పొడిగించాలని కోరుతూ పలు వర్గాల నుంచి వినతులు అందాయి. దీంతో.. అర్హులైన వ్యక్తులందరూ తమ దరఖాస్తులను ఫైల్ చేయడానికి వీలు కల్పించడానికి, దరఖాస్తులను దాఖలు చేయడానికి ఇప్పుడు 26 జూన్ 2023 వరకు గడువు ఉంటుందని నిర్ణయించారు. పింఛనుదారులు/సభ్యులు ఎదుర్కొంటున్న ఏవైనా ఇబ్బందులను సడలించడం కోసం వారికి సులభతరం చేయడానికి, పుష్కలమైన అవకాశాలను అందించడానికి కాలక్రమం పొడిగించబడినట్లు తెలిపారు. ఉద్యోగులు, యజమానులు, వారి సంఘాల నుంచి వచ్చిన వివిధ డిమాండ్లను పరిశీలించిన తర్వాత ఈ నిర్ణయం తీసుకున్నట్లు పేర్కొన్నారు.