Harbhajan Singh : వరద బాధితుడి స్ఫూర్తికి హర్భజన్ ఫిదా
పంజాబ్‌లో వరదల వల్ల తీవ్రంగా ప్రభావితమైన ఒక కుటుంబం, తమను ఆదుకోవడానికి వచ్చిన వాలంటీర్లకు భోజనం, నీళ్లు అందించడం చూసి భారత మాజీ క్రికెటర్ హర్భజన్ సింగ్ భావోద్వేగానికి లోనయ్యారు. ఈ సంఘటనను ఆయన "స్పిరిట్ ఆఫ్ పంజాబ్" అంటూ కొనియాడారు.పంజాబ్‌లోని ఒక గ్రామం. ఈ ప్రాంతం తీవ్రమైన వరదల వల్ల నీట మునిగింది. వరద బాధితులకు ఆహారం, సహాయ సామాగ్రి అందించడానికి కొంతమంది వాలంటీర్లు బోటులో ఆ గ్రామానికి వెళ్లారు. అక్కడ ఒక కుటుంబం వరద నీటిలో నిలబడి ఉంది. వారి ఇల్లు కూడా పాక్షికంగా నీట మునిగి ఉంది. ఆ కుటుంబం, తమ వద్ద ఉన్న ఆహారాన్ని, త్రాగునీటిని ఆ వాలంటీర్లకు అందించింది. తాము కష్టాల్లో ఉన్నప్పటికీ, తమను ఆదుకోవడానికి వచ్చిన వారికి సేవ చేయాలనే వారి తపన అందరినీ కదిలించింది. హర్భజన్ సింగ్ తన సోషల్ మీడియా ఖాతాలో ఈ వీడియోను షేర్ చేశారు. "వీడియో చూడండి. పంజాబ్‌లో వరదల వల్ల ఇల్లు నీట మునిగినా సరే, ఈ కుటుంబం దానధర్మాలు చేస్తోంది. ఇదే పంజాబ్ స్ఫూర్తి. గొప్ప మనసున్న మనుషులు" అని ఆయన ఆ వీడియోకు క్యాప్షన్ రాశారు.