Jammu & Kashmir: 3వ దశ ఎన్నికలకు సిద్దమవుతున్న అమిత్ షా.. బ్యాక్ టు బ్యాక్ ర్యాలీలు
జమ్మూకశ్మీర్‌లో మూడో విడత అసెంబ్లీ ఎన్నికల ప్రచారానికి కేంద్ర హోంమంత్రి అమిత్ షా నేతృత్వం వహించనున్నారు. ఐదు ర్యాలీల్లో అమిత్ షా ప్రసంగించనున్నారు. చెనానిలో ర్యాలీతో రోజు ప్రారంభించిన ఆయన ఉదంపూర్‌లో జరిగే సభలో ప్రసంగిస్తారు. మద్‌లో జరిగే బహిరంగ సభను ఉద్దేశించి రోజు ముగిసే ముందు బానీ మరియు జస్రోటాలో ర్యాలీలను ఉద్దేశించి ప్రసంగిస్తారు.
కేంద్ర పాలిత ప్రాంతంలో మూడో విడత పోలింగ్ అక్టోబర్ 1న జరగనుంది. జమ్మూ & కె సరిహద్దు ప్రాంతాల్లో సరిహద్దు కాల్పులకు భయపడేది లేదని అమిత్ షా ఆదివారం నాడు చెప్పారు. పాకిస్తాన్ బుల్లెట్ పేల్చినట్లయితే, దానికి మోర్టార్ షెల్ ద్వారా ప్రతిస్పందిస్తామన్నారు.
రాజౌరీ జిల్లాలోని నౌషెరాలో జరిగిన ప్రచార ర్యాలీలో ఆయన మాట్లాడుతూ.. నౌషేరా వంటి సరిహద్దు ప్రాంతాల్లో కాంక్రీట్ బంకర్లను తయారు చేశామని, అయితే ఈ బంకర్‌లు ఇప్పుడు అవసరం లేదని హామీ ఇస్తున్నాను.
కాంగ్రెస్ నేషనల్ కాన్ఫరెన్స్‌లను దూషిస్తూ "కాంగ్రెస్ మరియు నేషనల్ కాన్ఫరెన్స్ (NC)లకు గుజ్జర్లు, బకర్వాల్‌లు, పహారీలు, OBCలు, వాల్మీకి సమాజ్ మొదలైన వారికి రిజర్వేషన్లు అక్కర్లేదు, తాము J&లో ప్రభుత్వాన్ని ఏర్పాటు చేస్తే ఈ రిజర్వేషన్లను సమీక్షిస్తామని చెప్పారు.
ఎన్‌సీ నేత ఒమర్‌ అబ్దుల్లా, కాంగ్రెస్ అధినేత రాహుల్‌గాంధీ తలక్రిందులుగా ఉరివేసుకున్నా.. నరేంద్ర మోదీ దేశానికి ప్రధానిగా ఉన్నంత కాలం మీ రిజర్వేషన్లను లాక్కోలేరు’’ అని సవాల్ విసిరారు.
త్రివర్ణ పతాకం స్థానంలో ఎన్‌సి తమ జెండాను తీసుకురావాలని కోరుకుంటోందని, ఫరూక్ అబ్దుల్లా పీర్ పంజాల్ ప్రాంతంలోని ప్రజలకు, పూంచ్, రాజౌరి ప్రాంతాలకు ఉగ్రవాదం విస్తరిస్తామని చెబుతూనే ఉన్నారని పేర్కొంటూ, “నరేంద్ర మోదీ నేతృత్వంలోని ప్రభుత్వం తీవ్రవాదాన్ని భూమి కింద చాలా లోతుగా పాతిపెడతారు, అది J&K లో మళ్లీ ఉద్భవించదు అని అన్నారు.
ఎన్‌సీ, కాంగ్రెస్‌లపై దాడి చేసిన కేంద్రమంత్రి.. ఉగ్రవాదాన్ని పూర్తిగా అంతం చేసే వరకు పాకిస్థాన్‌తో చర్చలు జరపలేమని అన్నారు. ఉగ్రవాదులు, రాళ్లదాడి చేసిన వారిని జైలు నుంచి విడుదల చేయబోమని ప్రజలకు హామీ ఇచ్చారు.
బీజేపీ అభ్యర్థి రవీందర్ రైనాను ఎన్నుకోవాలని నౌషేరా ఓటర్లకు ఆయన విజ్ఞప్తి చేశారు. "మీకు జమ్మూ ప్రాంతంలో మంచి హిమపాతం ఉన్న ప్రాంతాలు ఉన్నాయి, కానీ అక్కడ పహల్గామ్ లాంటి పర్యాటక ప్రాంతం లేదు. జమ్మూ ప్రాంతంలోని పర్వత ప్రాంతాలలో పహల్గామ్ లాంటి రెండు పర్యాటక ప్రాంతాలను అభివృద్ధి చేస్తామని నేను మీకు వాగ్దానం చేస్తున్నాను. అలాగే ఉచిత ఆరోగ్య చికిత్సల గోల్డెన్ కార్డు పరిమితిని రూ.5 లక్షల నుంచి రూ.10 లక్షలకు, రైతు సాయం రూ.6 వేల నుంచి రూ.10 వేలకు పెంచుతామని హామీ ఇచ్చారు.
50 మంది జనాభా ఉన్న ప్రతి గ్రామాన్ని ఇప్పుడు ప్రధాన మంత్రి గ్రామింగ్ సడక్ యోజన ద్వారా అనుసంధానం చేయాలని ప్రధాని మోదీ నిర్ణయించారని, ఇది సుదూర పర్వత ప్రాంతాల్లో నివసించే ప్రజలకు ప్రయోజనం చేకూరుస్తుందని ఆయన అన్నారు.
ఉదంపూర్‌ ఫార్మాస్యూటికల్‌ హబ్‌గా మారుతుందని, జమ్మూ డివిజన్‌లోని కొండ ప్రాంతాలను త్వరితగతిన అభివృద్ధి చేసేందుకు హిల్‌ డెవలప్‌మెంట్‌ బోర్డును ఏర్పాటు చేస్తామని కేంద్ర మంత్రి తెలిపారు.